ءۇشىنشى دوزا رەتىندە Pfizer جانە Moderna كومپانيالارىنىڭ پرەپاراتتارى قولدانىلادى.
COVID-19 تارالۋىنا جول بەرمەۋ جونىندەگى ۆاك-تىڭ مالىمەتىنە سايكەس، اقش تولىق يممۋنداۋ كۋرسىنان كەيىنگى ريەۆاكسيناسيانى قولدانادى، دەپ حابارلايدى Almaty-akshamy.kz
«ازىق-تۇلىك جانە دارى-دارمەك ساپاسى جونىندەگى باسقارما يممۋنيتەتى تومەن ادامدار ءۇشىن ۆاكسينانىڭ ءۇشىنشى دوزاسىن قولدانۋدى ماقۇلدادى. باسقارما Pfizer جانە Moderna كوروناۆيرۋسقا قارسى ۆاكسينالارىن توتەنشە جاعدايلاردا قولدانۋعا رۇقسات بەردى. بۇل كەيبىر يممۋنيتەتى تومەن ادامدارعا قوسىمشا دوزانى قولدانۋعا مۇمكىندىك ۇسىنادى»، - دەلىنگەن اقش-تىڭ ازىق-تۇلىك جانە دارى-دارمەك باسقارماسىنىڭ حابارلاماسىندا.