قازاقستان رەسپۋبليكاسى پرەزيدەنت جانىنداعى ورتالىق كوممۋنيكاسيالار قىزمەتىنىڭ قۇرىلىمىندا جالعان اقپاراتقا قارسى كۇرەس جونىندەگى ورتالىق جۇمىسىن باستايدى.
جاڭا قۇرىلىم ازاماتتاردىڭ سەنىمدى اقپارات الۋ قۇقىعىن قامتاماسىز ەتۋدەگى ماڭىزدى ەلەمەنت بولادى.
ورتالىقتىڭ نەگىزگى مىندەتتەرى:
- جالعان اقپاراتتى انىقتاۋ جانە ونى جوققا شىعارۋ؛
- ازاماتتاردى ماڭىزدى تاقىرىپتار بويىنشا وبەكتيۆتى، تەكسەرىلگەن دەرەكتەرمەن قامتاماسىز ەتۋ؛
- اقپاراتتى جاۋاپكەرشىلىكپەن تۇتىنۋ مادەنيەتىن دامىتۋ.
اقپاراتتىق قانىقتىرۋ جاعدايىندا فاكتىلەردى قاساقانا بۇرمالاۋدان اجىراتۋ وتە ماڭىزدى. جاڭا ورتالىق اقپارات اعىنىندا ناۆيگاسيا قۇرالىنا اينالادى.
جۇمىس مەملەكەتتىك ورگاندار، ساراپشىلار قاۋىمداستىعى، جۋرناليستەر جانە ازاماتتارمەن ىنتىماقتاستىقتا جۇرگىزىلەدى.
ورتالىقتى قۇرۋ - بۇل ناقتى فاكتىلەرگە، جاۋاپكەرشىلىككە جانە اقپاراتقا دەگەن سەنىمگە نەگىزدەلگەن تۇراقتى كوممۋنيكاسيالىق ورتانى قالىپتاستىرۋعا قيسىندى قادام.
ورتالىق فەيكتەرگە تۇراقتى شولۋلار، مانيپۋلياسيا جاساۋ كەيستەرىن جاريالايدى، سونداي-اق رەزونانستىق اقپاراتتىق تاقىرىپتار بويىنشا ساراپتامالىق تۇسىنىكتەمەلەر بەرەدى. ورتالىقتى ىسكە قوسۋ كۇردەلى اقپاراتتىق پروسەستەردى الەۋمەتتىك جەلىلەردەگى رەسمي رەسۋرستارعا قاراپايىم جانە كورنەكى تۇسىندىرۋگە باعىتتالعان اقپارات ورنالاستىرۋمەن قاتار جۇرەدى.
قاجەتتى شارالاردى جەدەل قابىلداۋ ءۇشىن Telegram كانالىندا ارنايى @AntiFakeCenterBot چات-بوتى قۇرىلدى، مۇندا فەيك بەلگىلەرى بار اقپاراتتى جىبەرۋگە بولادى (سىلتەمەلەر، جالعان حابارلامالارى بار سكرينشوتتار).
ءبىرىنشى شىعارىلىمدا سوڭعى كەزدەرى ەلىمىزدىڭ اقپاراتتىق كەڭىستىگىندە پايدا بولىپ جاتقان جالعان مالىمەتتەردى زەردەلەيمىز.