بولاشاق IT-كريميناليستەردى، اقپاراتتىق جۇيەلەردىڭ ينجەنەر-باعدارلاماشىلارىن ءىىم اكادەمياسىندا دايىندايدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە ق ر ءىىم الماتى اكادەمياسى باسشىسىنىڭ ورىنباسارى ەرجان بيمولدانوۆ ايتتى، دەپ حابارلايدى almaty-akshamy.kz
سپيكەر اتاپ وتكەندەي، 2023 جىلدان باستاپ قازاقستاندا العاش رەت IT-كريميناليستيكا باعىتى بويىنشا وقىتۋ ءۇشىن كۋرسانتتاردى قابىلداۋ قالىپتاستى. مۇنداي ءتاسىل قازاقستان رەسپۋبليكاسىنىڭ ىشكى ىستەر ورگاندارى جۇيەسى ءۇشىن IT سالاسىنداعى جاڭا مامانداردى دايارلاۋدى جانە قولدا بار مامانداردى قايتا دايارلاۋدى قامتاماسىز ەتەدى.
«ىشكى ىستەر مينيسترلىگى باسشىلىعىنىڭ تاپسىرماسى بويىنشا ءبىز IT-باعىتتاعى cالالىق مامانداردى - IT-كريميناليستەر، ءىىو اقپاراتتىق جۇيەلەرىنىڭ ينجەنەر-باعدارلاماشىلارى، كريمينالدىق پوليسيا جەلىسى بويىنشا IT-قىزمەتكەرلەردى وقىتۋعا كوشتىك. اتالعان باعىتتار بويىنشا وقىتۋ پروسەسى اقپاراتتىق تەحنولوگيالار، IT-ينفراقۇرىلىم، باعدارلامالاۋ، اقپاراتتىق قاۋىپسىزدىك، سونداي-اق قوعامدىق قاۋىپسىزدىكتى قامتاماسىز ەتۋ جانە كيبەرقىلمىسقا قارسى ءىس-قيمىل نەگىزدەرى سالاسىنداعى مودۋلدەر مەن پاندەر بويىنشا كۇشەيتىلگەن دايارلىقتى كوزدەيدى»، - دەدى ە.بيمولدانوۆ.
وسىلايشا، اكادەميادا كيبەرپوليگون، كيبەرلابوراتوريا جانە كيبەرقىلمىسقا قارسى ءىس-قيمىل بويىنشا ماماندار دايارلاۋ ورتالىعى اشىلدى، وندا كاسىپتىك وقىتۋ باعدارلامالارى بويىنشا ارنايى جانە قۇقىق قورعاۋ ورگاندارىنىڭ قىزمەتكەرلەرى وقىتىلادى. سونداي-اق كيبەرقاۋىپسىزدىك جانە اقپاراتتىق جۇيەلەر كافەدرالارى، كيبەرقىلمىستاردى اشۋ جانە تەرگەۋ كافەدرالارى بار.
وسى باعىتتار بويىنشا وقىعان تۇلەكتەر كيبەرقىلمىستاردى اشۋمەن جانە تەرگەۋمەن اينالىساتىن پوليسيا دەپارتامەنتىنىڭ ارنايى بولىمشەلەرىندە جۇمىس ىستەيتىن بولادى.
ۆەدومستۆولىق جوو-دا ولار ءوز رەسۋرستارىمەن شەكتەلمەيدى، سونىمەن قاتار ساباقتاردى وتكىزۋگە جەتەكشى حالىقارالىق، شەتەلدىك جانە ۇلتتىق IT-مامانداردى بەلسەندى تارتادى. ۇلتتىق جانە شەتەلدىك جوعارى وقۋ ورىندارىمەن، سونداي-اق جەتەكشى وتاندىق IT-كومپانيالارمەن بىرلەسكەن عىلىمي زەرتتەۋلەر جۇرگىزىلۋدە.
«ءبىر وقۋ ورنىنىڭ كۇش-جىگەرى بۇكىل ەلدىڭ كيبەرقاۋىپسىزدىگىن قامتاماسىز ەتۋ ءۇشىن جەتكىلىكسىز. كيبەرقاۋىپسىزدىك ماماندارىن دايارلاۋ بويىنشا بۇكىل ناۋقاندى وتكىزۋ ءۇشىن اسكەري جانە ارنايى وقۋ ورىندارىنىڭ ماكسيمالدى سانىنىڭ كۇش-جىگەرىن بىرىكتىرۋ وتە ماڭىزدى. وسىعان بايلانىستى الماتى اكادەمياسى اسكەري، ارناۋلى وقۋ ورىندارى ءۇشىن كيبەرقاۋىپسىزدىك بويىنشا ءبىلىم جانە عىلىم سالاسىنداعى ىنتىماقتاستىق جونىندەگى دەكلاراسيانىڭ جوباسىن ازىرلەدى»، - دەدى سپيكەر.
سوڭىندا ەرجان بيمولدانوۆ تالاپكەرلەرگە ق ر ءىىم الماتى اكادەمياسىنا تۇسۋگە شاقىردى.
«ءبىز قازىرگى ۋاقىتتا پوليسيا قىزمەتى ۇسىناتىن مۇمكىندىكتەردى الۋعا، سونىمەن بىرگە ءوز ءپاتريوتيزمىڭىزدى كورسەتۋگە مۇمكىندىك بەرەتىن زاماناۋي ءبىلىم بەرەمىز. ءبىز ءوز ەلىمىزدىڭ بولاشاعى ءۇشىن، ءوز مەملەكەتىمىزدىڭ قاۋىپسىزدىگى ءۇشىن شىنىمەن نە الاڭداۋىمىز كەرەك ەكەندىگى تۋرالى ويلانۋ. ەگەر ءتيىستى تىلەك بولسا، ءبىز سىزگە كەلۋگە، وقۋعا، جوعارى دەڭگەيلى مامان بولۋعا كومەكتەسۋ ءۇشىن بارىنشا كۇش سالامىز. جانە ماقساتىمىز - الداعى ۋاقىتتا قوعامعا، مەملەكەتكە جانە ءوز حالقىنا پايدا اكەلۋ»، - دەپ تولىقتىردى ول.