بۇل تۋرالى تۇركىستاندا ءوتىپ جاتقان ۇلتتىق قۇرىلتايدىڭ «ادىلەتتى قازاقستان – ادال ازامات» اتتى ەكىنشى وتىرىسىندا پرەزيدەنت قاسىم-جومارت توقايەۆ كرەاتيۆتى يندۋستريانى جاڭا دەڭگەيگە كوتەرۋىمىز كەرەكتىگىن ايتتى، دەپ حابارلايدى Almaty-akshamy.kz.
«بەسىنشى ماسەلە – اقپارات ساياساتىنىڭ تيىمدىلىگىن ارتتىرۋ، كرەاتيۆتى يندۋستريانى دامىتۋ. ماسس-مەديا – ەلىمىزدى جاڭعىرتۋ ىسىنە ەرەكشە ىقپال ەتەتىن سالا. سونداي-اق، بيلىك پەن قوعام اراسىنداعى پارمەندى بايلانىس قۇرالى. اقپارات قۇرالدارىندا ءتۇرلى كوزقاراستار توعىسادى. ونى قوعام تىنىسىنىڭ بارومەترى دەۋگە بولادى. وسى سالاداعى وزەكتى ماسەلەلەردى شەشۋ ءۇشىن اقپارات ساياساتىن تۇبەگەيلى قايتا قاراۋ قاجەت»، - دەدى قاسىم-جومارت توقايەۆ.
مەملەكەت باسشىسى كرەاتيۆتى يندۋستريانى جاڭا دەڭگەيگە كوتەرۋىمىز كەرەكتىگىن دە باسا ايتتى.
«ءقازىر مەديا سالاسى، كينو جانە سەريال، مۋلتفيلم، سپورت جانە مۋزىكا شوۋلارى، كومپيۋتەر ويىندارى مەن كىتاپتار – ءبارى بىرىگىپ، ءبىرتۇتاس جۇيەگە اينالدى. بۇل جۇيە وزىق قۇندىلىقتار مەن قاسيەتتەردى قالىپتاستىرۋعا ىقپال ەتەدى. ءبىزدىڭ بۇل سالاداعى الەۋەتىمىز وراسان زور. ونى تولىققاندى جۇزەگە اسىرۋ ءۇشىن ناقتى شارالار قابىلداۋ قاجەت»، - دەدى پرەزيدەنت.