قاۋلى 10 شىلدەدە كۇشىنە ەنەدى.
سوڭعى 5 جىلدا ەلىمىزدە 44 مىڭعا جۋىق سايت بۇعاتتالعان، دەپ حابارلايدى Almaty-akshamy.kz
اقپارات مينيسترلىگى ەندى ينتەرنەتتە جاريالانعان دەرەكتەرگە اشىق مونيتورينگ جۇرگىزۋگە قۇقىلى.
ياعني، شەتەلدىك سايتتار مەن مەسسەندجەرلەردى قۇقىق قورعاۋ ورگاندارىنا جۇگىنىپ، ارنايى سانكسيا الىپ جاتپاي-اق، وزدىگىنشە بۇعاتتاي الادى. مۇنداي مۇمكىندىكتى اقپارات جانە قوعامدىق دامۋ مينيسترلىگىنىڭ كەيبىر ماسەلەلەرى تۋرالى 142ء-شى قاۋلىسىنا ەنگىزىلگەن وزگەرىستەر بەرىپ وتىر.
قازىردە ەلىمىزدە تەرروريزم، ەسىرتكى، پسيحوتروپتىق زاتتاردى ناسيحاتتاۋدى كوزدەيتىن سايتتارعا شەكتەۋ قويىلاتىنى جاسىرىن ەمەس. الايدا قاۋلىدا ناقتى قانداي باعىتتا جازىلعان جازبالار وشىرەلەتىنى ايتىلماعان. ودان بولەك اقپاراتقا قول جەتكىزۋ ماسەلەلەرى جونىندە ارنايى كوميسسيا قۇرۋ، مەملەكەتتىك ورگاندار ينتەرنەت-پورتالدارىندا ورنالاستىرا الاتىن دەرەكتەرىنىڭ تىزبەسىن جاساۋ سىندى تولىقتىرۋلار بار. جالپى قاۋلىنىڭ 10-نان اسا تارماقشاسى تۇزەتۋدەن وتكەن، 10-شىلدەدە كۇشىنە ەنەدى.