اقپان ايىندا جوعارى جالاقىنى كىمدەر العانى بەلگىلى بولدى

ولارعا ايىنا ورتا ەسەپپەن 525 مىڭ تەڭگە تولەندى.

ەڭبەك سالاسىنداعى ماماندار قازاقستاندا ەڭ جوعارى جالاقىنى اقپان ايىندا قانداي مامان يەلەرى العانىن ايتتى، دەپ حابارلايدى Almaty-akshamy.kz.

ەڭبەكمينىنىڭ مالىمەتى بويىنشا، اقپان ايىندا جۇمىس بەرۋشىلەر باسشىلىق لاۋازىمدار ءۇشىن ەڭ جوعارى جالاقى ۇسىندى، وسى كاسىبي توپ بويىنشا ايىنا 540 مىڭ تەڭگەدەن باستالاتىن ۇسىنىسپەن جۇمىس تابۋعا بولادى.

سونداي-اق، اقپان ايىندا جوعارى اقى تولەنەتىن ماماندىقتارعا سۇرانىس بويىنشا جاتتىقتىرۋشىلاردى (ترەنينگتەرمەن، قايتا دايارلاۋمەن جانە بىلىكتىلىگىن ارتتىرۋمەن اينالىساتىن) جاتقىزۋعا بولادى، ولارعا ايىنا ورتا ەسەپپەن 525 مىڭ تەڭگە، ماركشەيدەرلەرگە 513 مىڭ تەڭگە، كورپوراتيۆتىك ماماندارعا 474 مىڭ تەڭگە، ءوندىرىستى دايىنداۋ ينجەنەرلەرىنە 419 مىڭ تەڭگە ۇسىنىلدى.

بۇرىنعىشا ەڭ ۇلكەن سۇرانىسقا شاعىن، ورتا جانە ءىرى كاسىپورىندار يە، ولار بارلىق سۇرانىستىڭ 85%-ىن قۇرادى. ال گەندەرلىك بولىنىستەگى ەڭبەك ۇسىنىسى ءىس جۇزىندە تەڭ بولدى: ايەلدەر تۇيىندەمەسىنىڭ ۇلەسى ەەب جالپى ۇسىنىسىنىڭ 51% - ىن قۇرادى.

«وسىلايشا، ءبىر ايدان كەيىن جۇمىس بەرۋشىلەر اراسىندا ەكونوميكالىق بەلسەندىلىكتىڭ جاندانۋى بايقالادى. بۇل رەتتە نارىقتا كاسىپتەر بولىنىسىندە بوس ورىندار مەن تۇيىندەمەلەر بويىنشا سۇرانىس پەن ۇسىنىس ايتارلىقتاي وزگەرمەيدى. سۇرانىسقا يە ماماندار – بۇرىنعىشا ورتا مەديسينالىق پەرسونال مەن مەكتەپكە دەيىنگى مەكەمەلەردىڭ قىزمەتكەرلەرى»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.