پرەزيدەنتتىك وركەستر ەكى ەلدىڭ مەملەكەتتىك گيمنىن ورىندادى
مەملەكەت باسشىسى قاسىم-جومارت توقايەۆ مەملەكەتتىك ساپارمەن كەلگەن تۇرىكمەنستان پرەزيدەنتى سەردار بەردىمۇحامەدوۆتى اقوردادا قارسى الدى، دەپ حابارلايدى Almaty-akshamy.kz.
مارتەبەلى مەيماننىڭ ساپارىنا وراي سالتاناتتى راسىمدەر زالىندا قۇرمەت قاراۋىلى ساپ تۇزەپ، ونىڭ باستىعى مەملەكەت باسشىلارىنا سالەمدىك بايانات بەردى.
وسىدان كەيىن پرەزيدەنتتىك وركەستر ەكى ەلدىڭ مەملەكەتتىك گيمنىن ورىندادى.
ءانۇراندى تىڭداپ بولعاننان كەيىن سەردار بەردىمۇحامەدوۆ پەن قاسىم-جومارت توقايەۆ كىلەمشە بويىمەن قازاقستان رەسپۋبليكاسىنىڭ مەملەكەتتىك تۋىنا قاراي ءجۇردى. ونىڭ الدىنا كەلگەندە مەيمان توقتاپ، باسىن ءسال ءيىپ، ءوزىنىڭ قۇرمەتىن ءبىلدىردى.
سونان سوڭ مەيمان مەن پرەزيدەنت قۇرمەتتى قاراۋىل ساپىنىڭ بويىمەن ءجۇردى.
تۇرىكمەنستان پرەزيدەنتى قۇرمەتتى قاراۋىل باستىعىمەن قوشتاسىپ، قازاقستان پرەزيدەنتىمەن شاعىن قۇرامداعى كەزدەسۋگە ءوتتى.