«جايىق» تەمىر جول وتكىزۋ پۋنكتىندە ەلىمىزدىڭ اۋماعىنان مۇناي ونىمدەرىن زاڭسىز شىعارماق بولعاندار ۇستالدى، دەپ حابارلايدى Almaty-akshamy.kz ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ.
«2022 جىلعى 8-11 قازان ارالىعىندا ۇقك شەكارا قىزمەتى باتىس قازاقستان وبلىسىنىڭ «جايىق» تەمىر جول وتكىزۋ پۋنكتىندە ەلىمىزدىڭ اۋماعىنان مۇناي ونىمدەرىن زاڭسىز شىعارۋدىڭ الدىن الدى.
جاعار ماي تيەلگەن 20 تەمىرجول سيستەرناسى بيتۋمدىق لاكتاردى ەرىتكىش «ۋايت-سپيريت» رەتىندە كورسەتىلىپ، جۇككە ارنالعان تەمىر جول قۇرامدارىمەن تاسىمالدانعان» دەلىنگەن حابارلامادا.
مالىمەتكە ساي، ۇستالعان جۇك قۇزىرەتى بويىنشا پروسەسسۋالدىق شەشىم شىعارۋ ءۇشىن باتىس قازاقستان وبلىسى بويىنشا مەملەكەتتىك كىرىستەر دەپارتامەنتىنە بەرىلگەن.
شەكارا قىزمەتى قازاقستانداعى بەنزين، ديزەل وتىنى مەن مۇناي ونىمدەرىنىڭ جەكە تۇرلەرىنىڭ شىعارىلۋىنا ۋاقىتشا شەكتەۋلەر قويىلعانىن ەسكە سالادى.