ستەپنوگور قالاسىندا Audi كولىگى ءجۇرىپ بارا جاتقان لوكوموتيۆكە سوعىلىپ، 3 ادام قازا تاپتى، دەپ حابارلايدى aqshamnews.kz.
Instagram-داعى Nayzakokshe پاراقشاسىنىڭ مالىمەتىنشە، كولىك اپاتى سالدارىنان Audi جۇرگىزۋشىسى مەن 2 جولاۋشى كوز جۇمعان. ولار – جامبىل وبلىسىنىڭ تۋماسى، ءبارى قالاداعى جەس-تا دانەكەرلەۋشى بولىپ جۇمىس ىستەگەن.
25 جاستاعى اۆتوموبيل جۇرگىزۋشىسى وقيعا ورنىندا كوز جۇمدى. كولىكتە وتىرعان 2 ادام اۋىر جاراقاتپەن قالالىق اۋرۋحاناعا جاتقىزىلدى. وسىعان قاراماستان 39 جانە 19 جاستاعى جولاۋشىلار جانساقتاۋ بولىمىندە قايتىس بولدى.
سونداي-اق تاعى 3 جولاۋشى ءتۇرلى دەنە جاراقاتىن العان: ميدىڭ شايقالۋى، يىق پەن وڭ جامباستىڭ سىنۋى، باستاعى قىسىمنىڭ كوتەرىلۋى، ءىش جاراقاتى، ەكى جامباستىڭ سىنۋى، - دەپ جازىلعان حابارلامادا.