اقمولا وبلىسىندا جاڭا كولىكتەردى تاسىمالداعان اۆتوۆوز جول اپاتىنا ۇشىراپ، جول جيەگىنە اۋدارىلىپ كەتكەن، - دەپ حابارلايدى اqshamnews.kz ءتىلشىسى.
اقمولا وبلىستىق پد مالىمەتىنشە، جول-كولىك وقيعاسى 2025 جىلعى 21 قاراشادا شامامەن تۇسكى 12:00-دە «قوستاناي – اۋليەكول – سۇرعان» تاسجولىنىڭ 239-شاقىرىمىندا بولعان.
پوليسيانىڭ الدىن الا دەرەگىنشە، 1979 جىلى تۋعان «سيتراك» ماركالى كولىك تاسۋشى جۇك كولىگى جۇرگىزۋشىسى قوستاناي باعىتىنا قاراي كەتىپ بارا جاتقان. ول قارسى الدىنداعى كولىكتى وزباق بولعان ساتتە رولگە يە بولا الماي، جۇك كولىگى جول جيەگىنە شىعىپ كەتىپ اۋدارىلعان. فۋرانىڭ ۇستىندە قىتايدا قۇراستىرىلعان سەگىز جاڭا جەڭىل كولىك بولعان.
جۇرگىزۋشى الماتىدان قوستانايعا جاڭا پارتيانى جەتكىزىپ كەلە جاتقان. اپاتتان ەشكىم زارداپ شەككەن جوق. وقيعا ورنىندا پوليسيا قىزمەتكەرلەرى جۇمىس ىستەپ جاتىر. جۇرگىزۋشىنىڭ ماس كۇيدە بولۋ-بولماۋى مىندەتتى تۇردە تەكسەرىلىپ جاتىر.
بارلىق ءراسىم اياقتالعان سوڭ پروسەسسۋالدىق شەشىم قابىلدانادى. پوليسيا ءىرى جۇك كولىگىن جۇرگىزەتىندەرگە قاۋىپسىزدىك ەرەجەلەرىن قاتاڭ ساقتاۋدى قايتا ەسكەرتتى.