پروكۋراتۋرا ءبىرجان سال اۋدانىندا پايدالانىلماي جاتقان جەرلەردى مەملەكەتكە قايتاردى، - دەپ حابارلايدى aqshamnews.kz ءتىلشىسى.
ءبىرجان سال اۋدانىندا جايىلىمدىق جانە ەگىستىك جەر تاپشى. بۇعان بايلانىستى 2025 جىلدان باستاپ ءبىرجان سال اۋدانىنىڭ پروكۋراتۋراسى "پايدالانىلماي جاتقان جەرلەردى قايتارۋ" جوباسىن ىسكە اسىرىپ جاتىر.
قاداعالاۋ ءىس-شارالارى بارىسىندا جەر ۋچاسكەلەرىن ۇزاق ۋاقىت بويى نىسانالى ماقساتىنا ساي پايدالانباي، جەر كودەكسىنىڭ تالاپتارىن بۇزعان جەر پايدالانۋشىلار انىقتالدى.
پروكۋرورلىق قاداعالاۋ اكتىلەرى بويىنشا جالپى كاداسترلىق قۇنى 332،5 ملن تەڭگەلىك 23،3 مىڭ گەكتاردان استام جەر مەملەكەت مەنشىگىنە قايتارىلدى.
جەرگىلىكتى اتقارۋشى ورگاندارعا قايتارىلعان جەرلەردى ادال تۇرعىندار مەن بيزنەس سۋبەكتىلەرىنە بەرۋ ۇسىنىلدى.
پايدالانىلماي جاتقان جەرلەردى انىقتاۋ جانە ولاردى ەرىكتى تۇردە قايتارۋ جۇمىستارى جالعاسىپ جاتىر.