ماڭعىستاۋدا براكونەرلەر مەملەكەتكە ميلليارد تەڭگە زالال كەلتىرگەن
ۇلتتىق قاۋىپسىزدىك كوميتەتى ماڭعىستاۋدا اقبوكەندەردى زاڭسىز اتىپ كەلگەن قىلمىستىق توپ ۇستالعانىن مالىمدەدى، دەپ حابارلايدى اlmaty-akshamy.kz
«ۇلتتىق قاۋىپسىزدىك كوميتەتى ۇيىمداسقان قىلمىس تۇرلەرىنە قارسى كۇرەس ءىس-شارالارىن جۇرگىزۋ اياسىندا قىلمىستىق «كاسىپتىڭ» جولىن كەسۋدى جالعاستىرۋدا.
وسىلايشا، 2023 جىلعى قاڭتار ايىندا ۇقك پروكۋراتۋرا ورگاندارىمەن بىرگە ارنايى وپەراسيا بارىسىندا كيىكتىڭ مۇيىزدەرىن زاڭسىز ءوندىرۋ جانە ساتۋ ارناسىن ۇيىمداستىرۋعا قاتىستى ادامدار توبىن قىلمىستارى ۇستىندە قولعا ءتۇسىردى.
قۇندى تاۋاردىڭ ءىرى پارتياسىن ساۋدالاۋ ارەكەتى كەزىندە ماڭعىستاۋ ءوڭىرىنىڭ قىلمىستىق الەمىنە قاتىسى بار بۇرىن سوتتى بولعان ەكى ادام ۇستالدى»، - دەپ جازدى ۆەدومستۆو.
ونداعى مالىمەتكە قاراعاندا، مەملەكەتكە 1 ملرد تەڭگەدەن اسا زالال كەلتىرىلگەنىن جانە قازاقستانداعى اقبوكەندەردىڭ تارالۋىنا ەداۋىر كەرى اسەرىن تيگىزگەندەرىن دالەلدەيتىن ايعاقتار جيناقتالدى.
سوتقا دەيىنگى تەرگەۋ اياسىندا ق ر قك 339-بابى 3-بولىگى 2-تارماعى بويىنشا زاڭعا قايشى ارەكەتتىڭ وزگە دە قاتىسۋشىلارىن انىقتاۋعا باعىتتالعان جەدەل تەرگەۋ ءىس-شارالار كەشەنى جۇرگىزىلۋدە.