بۇگىن قازاق كسر-نىڭ ەڭبەك سىڭىرگەن ءارتىسى، قازاقستان رەسپۋبليكاسىنىڭ ەڭبەك سىڭىرگەن ءارتىسى، حالىقتىڭ سۇيىكتى ءانشىسى ءمادينا ەرالييەۆانىڭ تۋعان كۇنى.
كوزى ءتىرى بولسا كۇمىس كومەي اقبايان ءانشى 70 جاسقا تولار ەدى.
ءمادينا ەسمالاي قىزى ەرالييەۆا قىزىلوردا وبلىسىنىڭ قازالى اۋدانىندا 1954 جىلى 2 تامىز كۇنى دۇنيەگە كەلگەن.
پيونەر ءمادينا. - سۋرەتتىڭ سول جاعىندا قازالى قالاسىنداعى № 5 مەكتەپ-ينتەرناتتىڭ پيونەر درۋجيناسى سوۆەتىنىڭ ءتوراعاسى ءمادينا ەرالييەۆا. 1966 جىل.
ءمادينانىڭ وقۋشى كەزى. - ەكىنشى قاتاردا سول جاقتان ەكىنشى تۇرعان قازالىداعى № 5 مەكتەپ-ينتەرناتتىڭ 6-كلاسس وقۋشىسى ءمادينا ەرالييەۆا. 1967-68 وقۋ جىلى.
بويجەتكەن ءمادينا. - ءمادينانىڭ قىزىلوردا قالاسىنداعى مانشۇك مامەتوۆا اتىنداعى پەداگوگيكالىق ۋچيليششەدە وقىپ جۇرگەن كەزى. 1972 جىل.
وبلىستىق تەاتر ساحناسىندا. - ءمادينانىڭ ونەرىنە باستاۋ بولعان قىزىلورداداعى نارتاي بەكەجانوۆ اتىنداعى وبلىستىق تەاتردىڭ ساحناسى ەدى. 1970 جىل.
ستۋدەنتتىك شاق. - الدىڭعى پارتادا (سول جاقتان ءبىرىنشى) وتىرعان الماتىداعى قىزدار پەداگوگيكالىق ينستيتۋتىنىڭ ستۋدەنتى ءمادينا ەرالييەۆا. 1975 جىل.
اسپيرانت ءمادينا. - ءمادينا عىلىم اكادەمياسىنىڭ اسپيرانتۋراسىندا وقىپ جۇرگەن كەزىندە «ادىرنا» انسامبلىنە جۇمىسقا شاقىرىلعان ەدى. 1979 جىل.
ساحنالىق كيىمدى ولشەۋ. - ءمادينانىڭ «ادىرنا» سازدى-فولكلورلىق انسامبلىندە ءان شىرقاپ جۇرگەن كەزى. 1978 جىل.
ءمادينا العاشقى اندەرىن بايانمەن ورىندايتىن. - ءمادينا ەرالييەۆا ءوزىنىڭ جۇلدىزىن جاندىرعان «اقبايان» ءانىن شىرقاپ تۇر. 1978 جىل.
ءانشى مەن رەجيسسەردىڭ ۇيلەنۋ تويى. - ءمادينا ەرالييەۆا مەن بولات اتابايەۆتىڭ نەكەلەسۋ ءساتى. الماتى قالاسى، 1980 جىل.
«ادىرنا» ءانسامبلى تۋرالى كىتاپ. - مۇقاباسىندا ءمادينانىڭ سۋرەتى باسىلعان بۇل كىتاپ 1990 جىلى فرانسيادا جارىق كوردى.
اقتاۋ ايدىنىنداعى اققۋلار. - كاسپيي تەڭىزىنىڭ جاعاسىنداعى اقتاۋ قالاسىنداعى گاسترولدىك ساپار كەزىندە. 1997 جىل.
ءانشى سۇيىكتى كولىگىمەن. - ءمادينا ەرالييەۆا ءانشى قىزداردان العاشقى بولىپ كولىك جۇرگىزگەن ەدى، 1998 جىل.
اناسى مەن بالاسى. - ءمادينا جالعىز ۇلى ارسەنمەن بىرگە ءوز ۇيىندە. الماتى، 1999 جىل.
سۇيىكتى اق رويال. - تاماشا اندەرىن سۇيەمەلدەگەن وسى رويال ءمادينانىڭ جاقسى كورەتىن اسپابى ەدى. ءوز ءۇيىنىڭ قوناق بولمەسىندە. 2000 جىل.
اقبايان دەسە اقبايان ەدى-اۋ! - ءانشى ءمادينا ەرالييەۆا ساحناعا شىعار الدىندا. 1999 جىل.
ءمادينا ءومىرىنىڭ سوڭعى جىلىندا.
ءانشى «كۇرەڭ كۇزدە» باقيعا ساپار شەكتى.
2000 جىلى 27 قاراشا كۇنى تۋعان جەرىنەن الماتىعا قايتار ساپارىندا، قىزىلوردا وبلىسىنىڭ مايلىباس قيىلىسى ماڭىنداعى ارال-تاشكەنت تاس جولىندا جول اپاتىنان قايتىس بولدى.
ءمادينانى اقتىق ساپارعا شىعارىپ سالۋ. - انشىمەن قوشتاسۋ ءوزى ۇزاق جىلدار قىزمەت ەتكەن جامبىل اتىنداعى فيلارمونيادا بولدى. قاراشا ايى 2000 جىل.