«يگىلىكتىڭ ەرتە-كەشى جوق».
اقش پرەزيدەنتى دجو بايدەن مۇسىلمانداردى رامازان ايىنىڭ اياقتالۋىمەن جانە ورازا ايت مەيرامىمەن قۇتتىقتادى. ول اق ۇيدە مۇحاممەد پايعامباردىڭ جەرگىلىكتى ۇمبەتىن قابىلدادى، دەپ حابارلايدى Almaty-akshamy.kz 24.kz-كە سىلتەمە جاساپ.
پرەزيدەنت رەزيدەنسياسىنداعى جيىندى يمام ماقدۋم ءزيا قۇران وقۋمەن باستادى.
دجو بايدەن، اقش پرەزيدەنتى: -
«رامازان ادامدى قۇدايعا جانە بىر-بىرىنە جاقىنداتادى. كۇنى بويى اۋىز بەكىتۋ ارقىلى ءبىر-بىرىڭىزدى قولدايسىزدار. اش ادامدارعا تاماق بەرەسىزدەر. ورازا اياقتالعان سوڭ جاڭا كيىم كيىپ، ءۇيدى بەزەندىرىپ، تاتتىلەرمەن ايت مەيرامىن اتاپ وتەسىزدەر. مۇسىلماندار - ەلىمىزدىڭ ىرگەسىن قالاسقان ادامدار. ولار ازاتتتىق ءۇشىن سوعىسقا دا بەلسەنە قاتىستى. اقش-تىڭ تاۋەلسىزدىگىن العاشقىلاردىڭ ءبىرى بولىپ مۇسىلمان مەملەكەتى - ماروككو تانىعان بولاتىن. ءبىز يسلاموفوبيانىڭ بارلىق فورماسىنا قارسى تۇرۋىمىز كەرەك. بۇل مەنىڭ اكىمشىلىگىمنىڭ نەگىزگى باسىمدىعى»، - دەيدى اقش پرەزيدەنتى دجو بايدەن.
ءقازىر اقش-تا 3،5 ميلليون مۇسىلمان بار.