مەكتەبىمىزدە «بالاNEWS.KZ» جۋرنالىنىڭ تۇساۋكەسەر سالتاناتى ءوتتى. سالتاناتتى شارانىڭ قۇرمەتتى قوناعى – قازاقستان جۋرناليستەر وداعىنىڭ مۇشەسى، «اق جەلكەن» جۋرنالىنىڭ باس رەداكتورى ەسەي جەڭىس ۇلى بولدى. تۇساۋكەسەر راسىمىندە ءداستۇر بويىنشا №202 مەكتەپ-گيمنازيا ديرەكتورى بولات جانايحان ءسوز سويلەپ، ەسەي جەڭىسۇلىمەن بىرگە قىزىل لەنتانى قيدى. قۋانىشقا ارنالعان شاشۋ شاشىلىپ، اق باتالار بەرىلدى.
رەداكسيا القاسىنىڭ ماقساتى – جۋرنال ارقىلى مەكتەپ وقۋشىلارىنىڭ شىعارماشىلىق قابىلەتىن، وتانسۇيگىشتىك سەزىمىن، اسەمدىككە دەگەن قۇمارلىعىن دامىتۋ. مەكتەبىمىزدە كوپتەگەن تالانتتى جەتكىنشەكتەر بار، سولاردىڭ جازعان-سىزعان تۋىندىلارى، عىلىمي-زەرتتەۋ ەڭبەكتەرى، قۇراستىرعان دامىتۋ ويىندارى، ءتىپتى ەرەكشە ازىلدەرى دە گازەت بەتىندە جاريالانادى. «بالاNEWS.KZ» بالالاردى ءداستۇرلى قۇندىلىقتارعا – ۇلكەندى سىيلاۋعا، مەكتەپ پەن ۇستازدى قۇرمەتتەۋگە، كىشىگە قامقور بولۋعا، ەڭ باستىسى، قوعامنىڭ ەڭ ۇلكەن بايلىعى – ادام ەكەنىن تۇسىنۋگە شاقىرادى.
الماتى قالاسىنىڭ مەكتەپتەرىندە ءوز باسىلىمدارىن شىعارۋ ءۇردىسى ءبىرازدان بەرى جالعاسىپ كەلەدى. قالا بويىنشا ءۇش مەكتەپتە عانا ءوز ءتول باسىلىمى بار، ولاردىڭ قاتارىنا ەندى «بالاNEWS.KZ» جۋرنالى دا قوسىلدى.
«بالاNEWS.KZ» جۋرنالىنا الار اسۋلارى، باعىندىرار بەلەستەرى كوپ بولسىن! بيىكتەردەن كورىنە بەر!