بانكير بولىپ، پوليسەي بولىپ، جۇرتتى الداپ بولعان الاياقتار ەندى مەديك رەتىندە توبە كورسەتە باستاپتى.
مۇنداي فاكتىلەر بارىن «مەملەكەتتىك تەحنيكالىق قىزمەت» اق ماماندارى راستاپ وتىر، دەپ حابارلايدى aqshamnews.kz
سىزگە كلينيكانىڭ تىركەۋ بولىمىنەن دەپ قوڭىراۋ شالادى. ولار ءسىزدىڭ ءۇيىڭىزدىڭ ادرەسىنە دەيىن ءبىلىپ تۇرادى. سوسىن: «ەندى دارىگەردىڭ قابىلداۋى مەن جەدەل جاردەم شاقىرۋ — جسن (يين) بويىنشا ەمەس، مەديسينالىق دەكلاراسيا ءنومىرى ارقىلى جۇرگىزىلەدى. سىزگە ءقازىر «دەكلاراسيا ءنومىرى» كەلۋى كەرەك، سونى ايتىڭىز، ءبىر تىركەپ قويامىز...»
ال، ءىس جۇزىندە ول — DamuMed نەمەسە eGov سياقتى مەملەكەتتىك وتىنىمدەردى ەنگىزۋگە ارنالعان ءبىر رەتتىك كود. SMS تۇرىندە كەلگەن 6 تاڭبالى كودتى ايتىپ بەرگەن ادام الاياقتارعا جەكە كابينەتىن اشىپ بەرەدى.
سوندىقتان، تەلەفونمەن ءوزىن كىم دەپ تانىستىرسا دا، SMS-كودتى ەشكىمگە بەرمەۋ كەرەك. جسن سۇراسا، ايتپاعان دۇرىس. ساق بولارسىز.