بۇل جاڭالىق تەك ازياعا قاتىستى. كومپانيا وسى وڭىردەگى سەرىكتەستەرىنىڭ زاۋىتىندا ءونىم شىعارمايدى
Apple كومپانياسى قۇرال-جابدىقتاردىڭ جەتىسپەۋشىلىگىنە بايلانىستى ازياداعى سەرىكتەستەرىنىڭ زاۋىتىندا iPhone مەن iPad شىعارۋدى توقتاتتى، – دەپ حابارلايدى Almaty-akshamy.kz «ايقىن» باسىلىمىنا سىلتەمە جاساپ.
Nikkei باسىلىمىنىڭ مالىمەتىنشە، جىل سايىن جاڭا جىل قارساڭىندا جۇڭگو فابريكالارى 24 ساعات جۇمىس ىستەۋ رەجيمىنە كوشەدى. الايدا 2021 جىلى زاۋىتتار 10 جىلدا العاش رەت ءونىم شىعارۋدى توقتاتتى.
ينسايدەرلەردىڭ ايتۋىنشا، جۇمىسشىلاردىڭ جۇمىسىن جالعاستىرۋىنا قاجەت قۇرالداردىڭ جەتىسپەۋشىلىگى سەبەپ بولىپ وتىر. ماماندار Apple كومپانياسىنىڭ ءوندىرىس كولەمىن ميلليون بىرلىك گادجەتكە دەيىن قىسقارتقانىن مالىمدەدى. وسىنىڭ سالدارىنان كومپانيا ميلليارد دوللار كولەمىندەگى تابىسىنان ايىرىلماق. سونداي-اق، ءقازىر سمارتفون نەمەسە پلانشەتكە تاپسىرىس بەرگەندەر ونى 2022 جىلدىڭ باسىنا دەيىن الا الماۋى مۇمكىن.
Nikkei ماماندارىنىڭ انىقتاۋىنشا، قازىرگى ۋاقىتتا iPhone 13 Pro Max گادجەتىن جاساپ شىعارۋ ءۇشىن ەكى مىڭعا جۋىق بولشەك جەتىسپەيدى. ونىڭ ۇستىنە قىمباتقا تۇسەتىن – پروسەسسور، مودۋل، ەكران جانە 5G تاپشى بولىپ وتىر.
«قاجەت كومپونەنتتىڭ 99%-ى قولىڭىزدا بولا تۇرىپ، تاعى ءبىر، ەكى نەمەسە ۇشەۋى جەتىسپەسە، وندا ءونىمدى قۇرۋدى باستاي المايسىز»، – دەپ ءتۇسىندىردى امەريكاداعى كومپانيالاردىڭ بىرىنە تاپسىرىستى جەتكىزۋشى.
Samsung، Xiaomi، Oppo، HP، Dell، Acer، Nintendo سىندى كومپانيالار دا ءدال وسىنداي قيىندىقتارعا تاپ بولىپ وتىر.