قازاقستاندىقتىڭ بۇل 18ء-شى جەڭىسى، ونىڭ 14ء-ىن ۋاقىتىنان بۇرىن اياقتاعان
ەكىنشى ورتا سالماقتاعى قازاقستاندىق بوكسشى ءالي احمەدوۆ كەزەكتى جەڭىسىنە قول جەتكىزدى، – دەپ حابارلايدى Almaty-akshamy.kz Vesti.kz پورتالىنا سىلتەمە جاساپ.
ول مونتەبەللودا (كاليفورنيا، اقش) وتكەن بوكس كەشىندە مەكسيكالىق پول ۆالەنسۋەلاعا قارسى جەكپە-جەككە شىقتى.
جەكپە-جەك ون راۋندقا جوسپارلانعان بولاتىن، ءبىراق بىرىنشىسىندە اياقتالدى. بىرنەشە سوققىدان كەيىن احمەدوۆ قارسىلاسىن نوكاۋتقا ءتۇسىردى.
قازاقستاندىقتىڭ بۇل 18ء-شى جەڭىسى، ونىڭ 14ء-ىن ۋاقىتىنان بۇرىن اياقتاعان. ال ۆالەنسۋەلا 11-رەت جەڭىلدى، دەسە دە ونىڭ قانجىعاسىندا 26 جەڭىس بار.
ەسكە سالايىق، احمەدوۆپەن IBF جانە IBO نۇسقالارى بويىنشا ورتا سالماقتاعى الەم چەمپيونى گەنناديي گولوۆكيننىڭ GGG Promotions پروموۋتەرلىك كومپانياسى اينالىسادى.