امەريكاندىق Apple كومپانياسى جەرگىلىكتى بيلىكتىڭ تالابىنا بايلانىستى قىتايلىق App Store-دان WhatsApp، Telegram، سونىمەن قاتار Threads سەكىلدى مەسسەنجەرلەردى ءوشىرىپ تاستادى. بۇل تۋرالى Wall Street Journal-عا سىلتەمە جاساي وتىرىپ اlmaty-akshamy.kz.
WhatsApp پەن Threads، سونداي-اق Signal، Telegram جانە Line سەكىلدى حابارلاما الماساتىن قوسىمشالار جۇما كۇنى قىتايلىق App Store-دان ءوشىرىلدى.
Apple جۇمىس ىستەيتىن ەلدىڭ زاڭدارىن ساقتاۋعا مىندەتتى ەكەنىن مالىمدەدى. ءبىراق بۇل كومپانيانىڭ بيلىكتىڭ ۇستانىمىمەن كەلىسەتىنىن اڭعارتپايدى دەپ وتىر. تيم كۋك كومپانياسى وكىلدەرىنىڭ مالىمەتىنشە، جۇڭگو بيلىگى قوسىمشالاردى قاۋىپسىزدىك ماقساتىندا دا ءوشىرۋدى تالاپ ەتكەن. دەگەنمەن اقش بۇعان جاۋاپ رەتىندە TikTok-تى بۇعاتتاي ما، ول جاعى ازىرگە بەلگىسىز. ءبىراق كەيبىر شتاتتار وسىنداي باستاما كوتەرىپ جاتقان.
Sensor Tower ساراپتامالىق فيرماسىنىڭ ەسەپتەۋىنشە، امەريكاندىق تانىمال قوسىمشالار سوڭعى ون جىلدا قىتايدا جالپى ەسەپپەن 170 ملن رەت كوشىرىلگەن.