كەلەسى جىلدىڭ باسىنان باستاپ مەديسينالىق انىقتامالاردىڭ 8 ءتۇرى، ونىڭ ىشىندە ەڭبەككە ۋاقىتشا جارامسىزدىق پاراعى جانە ەڭبەككە ۋاقىتشا جارامسىزدىق تۋرالى انىقتاما تەك ەلەكتروندىق تۇردە بەرىلەتىن بولادى، دەپ حابارلايدى aqshamnews.kz
ازاماتتارعا ىڭعايلى بولۋ ءۇشىن وزدەرىمەن بىرگە قاعاز انىقتامالاردى الىپ ءجۇرۋ قاجەتتىلىگى بولمايدى، ولاردىڭ كەلىسىمىمەن ەلەكتروندىق انىقتامالار تالاپ بويىنشا بەلگىلى ءبىر مەكەمەلەرگە بەرىلەتىن بولادى.
وسى قىزمەتتەردى ەلەكتروندىق فورماتقا كوشىرۋ ءۇشىن قازىرگى ۋاقىتتا «امبۋلاتوريالىق-ەمحانالىق كومەك» اج ارقىلى اقپاراتتىق جۇيەلەردى ينتەگراسيالاۋ بويىنشا جۇمىستار جۇرگىزىلۋدە.
كەلەسى مەديسينالىق انىقتامالار ەلەكتروندىق فورماتقا كوشىرىلەتىن انىقتامالار:
- ەڭبەككە ۋاقىتشا جارامسىزدىق پاراعى
- 075 / ە «مەديسينالىق انىقتاما»
- 026 / ە «دكك قورىتىندىسى»
- 073 / ە «تق باسقارۋعا رۇقسات تۋرالى انىقتاما»
- 069 / ە «ساناتورييلىك-كۋرورتتىق كارتا»
- 052-2 / ە «بالانىڭ دەنساۋلىق پاسپورتى»
- 076 / ە «قارۋعا رۇقسات الۋ»
- 038 / ە «ەڭبەككە ۋاقىتشا جارامسىزدىق تۋرالى انىقتاما».
eGov Mobile ءموبيلدى قوسىمشاسىندا ازاماتتارعا وزدەرىنىڭ جەكە مەديسينالىق دەرەكتەرىنە قول جەتكىزۋگە مۇمكىندىك بەرەتىن «edensaulyq» ءبولىمى ىسكە اسىرىلعانىن اتاپ وتكەن ءجون.