ۇلتتىق بانك «7-20-25» يپوتەكالىق تۇرعىن ءۇي كرەديتتەۋ باعدارلاماسىنا وزگەرىستەر ەنگىزدى، دەپ حابارلايدى aqshamnews.kz
قارجىلاندىرۋ كولەمى: 2025 جىلى 100 ملرد تەڭگە دەپ بەلگىلەندى.
اسكەريلەرگە قارىزدى تولەۋ مەرزىمى كەيىنگە قالدىرىلادى: اسكەري قىزمەتشىلەرى ءۇشىن اسكەري قىزمەتتى وتكەرۋ مەرزىمىندە جانە ول اياقتالعاننان كەيىن 60 كۇندە قارىزدىڭ نەگىزگى بورىشى مەن سىياقىسى بويىنشا تولەم مەرزىمى كەيىنگە قالدىرۋ ەنگىزىلدى.
سالىمشىعا قويىلاتىن جاڭا تالاپ: قارىز الۋشىنىڭ (جانە جۇبايىنىڭ/زايىبىنىڭ) قازاقستان اۋماعىندا سوڭعى 18 اي ىشىندە مەنشىك قۇقىعىندا ءۇيى بولماۋى كەرەك. الايدا ءاربىر وتباسى مۇشەسىنە پايدالى اۋدانى 15 شارشى مەتردەن كەم جاتاقحانا بولمەلەرى، اپاتتى دەپ تانىلعان تۇرعىن ۇيلەر وعان جاتپايدى.
بۇل وزگەرىستەر 2025 جىلعى 1 قاڭتاردان باستاپ كۇشىنە ەنەدى.