AnyDesk قوسىمشاسىن ورناتقان اقمولالىق الاياققا الدانىپ قالدى، – دەپ حابارلايدى almaty-akshamy.kz.
اقمولالىق پوليسەيلەر 8 قاراشادا ءوڭىر اۋماعىندا باستالعان “Hi-Tech” جەدەل الدىن الۋ شاراسى اياسىندا اقپاراتتىق تەحنولوگيالاردى پايدالانا وتىرىپ جاسالعان الاياقتىقتى اشتى. 3 قاراشادا ستەپنوگرسك قالاسىنىڭ پوليسيا باسقارماسىنا 58 جاستاعى جەرگىلىكتى تۇرعىننان ارىز ءتۇستى.
ەر ادام 2021 جىلدىڭ 5 قازانىندا بەلگىسىز ادام الداۋ جولىمەن وعان تيەسىلى 247 مىڭ تەڭگە كولدەمىن اقشا قاراجاتىن يەمدەنگەنىن حابارلادى. قاسكۇنەم ءوزىن ق ر بانكتەرىنىڭ ءبىرىنىڭ قاۋىپسىزدىك قىزمەتىنىڭ قىزمەتكەرى رەتىندە تانىستىرىپ، جابىرلەنۋشىنىڭ شوتىنداعى كۇدىكتى ترانزاكسيالار تۋرالى حابارلاعانى انىقتالدى.
ول ادامعا AnyDesk قاشىقتان باسقارۋ قوسىمشاسىن قولدانا وتىرىپ، قاراجاتتى قورعاۋدى ۇسىندى جانە بۇل قوسىمشانى تەلەفونعا جۇكتەۋگە كوندىرگەن. قوسىمشانى ورناتقاننان كەيىن الاياق جابىرلەنۋشىنىڭ شوتىنان بارلىق قاراجاتتى جالعان شوتقا اۋدارعان.
جەدەل-ىزدەستىرۋ ءىس-شارالارى بارىسىندا پوليسيا قىزمەتكەرلەرى كۇدىكتىنى انىقتادى.