سىبايلاس جەمقورلىققا قارسى ءىس-قيمىل اگەنتتىگىنە ءبىرقاتار قوسىمشا قۇزىرەت بەرىلۋى مۇمكىن، دەپ حابارلايدى Almaty-akshamy.kz. قازاقپاراتقا سىلتەمە جاساپ.
ۆەدومستۆوعا جاڭا مىندەتتەر جۇكتەۋدى كوزدەيتىن پرەزيدەنت جارلىعىنىڭ جوباسى «اشىق» نقا پورتالىندا جاريالاندى. قۇجاتقا ساي، سىبايلاس جەمقورلىققا قارسى ءىس-قيمىل اگەنتتىگىنە مىنا فۋنكسيالار بەرىلەدى:
- ادەپ جونىندەگى ۋاكىلدىڭ سىبايلاس جەمقورلىققا قارسى ءىس-قيمىل جونىندەگى ۋاكىلەتتى ورگانمەن ءوزارا ءىس-قيمىلى ۋاكىلەتتى ورگاننىڭ جانە سىبايلاس جەمقورلىققا قارسى ءىس-قيمىل جونىندەگى ۋاكىلەتتى ورگاننىڭ بىرلەسكەن قۇقىقتىق اكتىسىنە سايكەس جۇزەگە اسىرىلادى.
- مەملەكەتتىك ورگانداردا، ۇيىمداردا جانە كۆازيمەملەكەتتىك سەكتور سۋبەكتىلەرىندە سىبايلاس جەمقورلىققا قارسى ستاندارتتاردىڭ بولۋىنا مونيتورينگ جۇرگىزۋ؛
- مەملەكەتتىك ورگانداردا، ۇيىمداردا جانە كۆازيمەملەكەتتىك سەكتور سۋبەكتىلەرىندە سىبايلاس جەمقورلىققا قارسى ستاندارتتاردىڭ بولۋىنا مونيتورينگ جۇرگىزۋ؛
- سىبايلاس جەمقورلىقتىڭ الدىن الۋ ماسەلەلەرى بويىنشا ادەپ جونىندەگى ۋاكىلدەرمەن ءوزارا ءىس-قيمىل جانە ولاردىڭ قىزمەتىن ءادىسنامالىق قامتاماسىز ەتۋ؛
- نورماتيۆتىك-قۇقىقتىق اكتىلەر جوبالارىنا سىبايلاس جەمقورلىققا قارسى عىلىمي ساراپتاما جۇرگىزۋ ءتارتىبى مەن مەرزىمدەرىن ازىرلەۋ جانە بەكىتۋ؛
- ق ر پرەزيدەنتى اكىمشىلىگىنىڭ كەلىسىمى بويىنشا سىبايلاس جەمقورلىق تاۋەكەلدەرىنە سىرتقى تالداۋ جۇرگىزۋ ءتارتىبىن ازىرلەۋ جانە بەكىتۋ؛
- سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلعا وزگە دە جولمەن جاردەمدەسەتىن (كورسەتكەن) ادامداردى كوتەرمەلەۋ ءتارتىبىن ازىرلەۋ جانە بەكىتۋ؛
- سىبايلاس جەمقورلىققا قارسى ستاندارتتاردى قالىپتاستىرۋ جونىندەگى ادىستەمەنى ازىرلەۋ جانە بەكىتۋ؛
- سىبايلاس جەمقورلىق دەڭگەيىن باعالاۋ جونىندەگى ادىستەمەنى ازىرلەۋ جانە بەكىتۋ.
جارلىق جوباسىن اشىق تالقىلاۋ 17 مامىرعا دەيىن كوپشىلىك تالقىلاۋدا بولادى.