شىمكەنتتە اسا ءىرى كولەمدە الاياقتىق جاسادى دەپ ايىپتالعان بۇرىنعى قالا پروكۋرورى، انتيكور باسشىسىنىڭ بۇرىنعى ورىنباسارى ماقسات قوجابايەۆقا سوت ۇكىمى شىقتى.
شىمكەنت قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ق ر قك 190-بابىنىڭ 4-بولىگىنىڭ 2-تارماعىمەن ايىپتالعان ماقسات قوجابايەۆ 5،5 جىلعا باس بوستاندىعىنان ايىرىلدى، دەپ حابارلايدى Almaty-akshamy.kz.
ايتا كەتەيىك، 2023 جىلعى 9 قاڭتاردا ۇلتتىق قاۋىپسىزدىك كوميتەتى سوتقا دەيىنگى تەرگەۋ اياسىندا جەمقورلىق جاسادى دەگەن كۇدىكپەن قۇقىق قورعاۋ ورگاندارىنىڭ بۇرىنعى جوعارى لاۋازىمدى قىزمەتكەرى م.قوجابايەۆتى ۇستاعان بولاتىن.
ەستەرىڭىزگە سالا كەتسەك، 2022 جىلدىڭ 21 ساۋىرىندە مەملەكەت باسشىسىنىڭ وكىمىمەن ماقسات قوجابايەۆ سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەتتىڭ) ءتوراعاسىنىڭ ورىنباسارى لاۋازىمىنان بوساتىلعان.
ول بۇل قىزمەتكە 2021 جىلى 2 شىلدەدە تاعايىندالعان بولاتىن.