بەلگىلى جۋرناليست، «زەيىن اتىراۋ» ەرەكشە بالالاردى وڭالتۋ ورتالىعىنىڭ نەگىزىن قالاعان ارايلىم باعىتجان انتالياداعى ءىرى جول اپاتىنا ءتۇسىپ، ومىردەن ءوتتى.
بۇل تۋرالى جاسۋلان بيسەمبييەۆ ءوزىنىڭ الەۋمەتتىك جەلىسى ارقىلى مالىمدەدى، دەپ حابارلايدى Almaty-akshamy.kz.
«ارىپتەسىمىزبەن بىرگە كىشكەنتاي ءسابيى دە و دۇنيەلىك بولدى. جولداسى قيىن جاعدايدا اۋرۋحانادا جاتىر.
قازىرگى ۋاقىتتا تۇركياداعى قازاقستان ەلشىلىگىمەن ارادا كەلىسىمدەر جۇرگىزىلىپ، اۋرۋحانادا قيىن جاعدايدا جاتقان باۋىرىمىزدىڭ ءتيىستى ەم الۋىنا جاعداي جاسالۋدا.جەرلەستەرىمىزدىڭ سۇيەگىن ەلگە الدىرۋ بويىنشا جۇمىس جۇرگىزىلۋدە.
مارقۇمنىڭ وتباسىنا قايعىرىپ كوڭىل ايتامىن»،-دەپ جازدى ول.
.