ءان دوداسى ونلاين فورماتتا ءوتىپ جاتىر
بيىل حالىقارالىق ABU TV Song Festival ءان فەستيۆالىنە قازاقستاننىڭ اتىنان «سلاۆيان بازارى» بايقاۋىنىڭ جەڭىمپازى، «امىرە» دەگەن لاقاپ اتىمەن تانىمال بولعان ءانشى ەرنار سادىربايەۆ قاتىسۋدا، دەپ حابارلايدى Almaty-akshamy.kz
جوبا «حابار» اگەنتتىگى مۇشە بولىپ تابىلاتىن ازيا-تىنىق مۇحيتى حابار تاراتۋ كەڭەسىنىڭ باس اسسامبلەياسى اياسىندا بۇگىن، 18 قاراشا كۇنى، ونلاين-فورماتتا ءوتىپ جاتىر. فەستيۆالگە 12 ەلدىڭ وكىلى قاتىسۋدا. 2019 جىلى جاپونيادا وتكەن ABU TV Song Festival ءان فەستيۆالىنە ديماش قۇدايبەرگەن قاتىسىپ، ءوز ونەرىمەن كوپشىلىكتى تامساندىرعان بولاتىن. امىرەنىڭ حالىقارالىق ءان فەستيۆالىندە تانىستىراتىن «ءومىر - تەڭىز» ءانىنىڭ جاڭا بەينەبايانى الەمگە اتى شىققان شارىن شاتقالىندا ءتۇسىرىلدى. تۋىندىنىڭ كونسەپسياسى ءوزىنىڭ تەرەڭ ماعىناسى مەن فيلوسوفيالىق ءمانى جاعىنان كورەرمەنگە وي سالارى انىق.
«مۇنداعى رەجيسسەردىڭ ويى ول قازىرگى كەزدەگى ىندەتپەن ادامنىڭ قيىن ساتتەرى. كەز-كەلگەن ادام قيىن ساتتەردە وزگەمەن ەمەس، وزىمەن-وزى كۇرەسەدى. ارپالىس كەزىندە بىرەۋلەر قيىندىققا توزە الماي جاتسا، ەندى ءبىرى كەرسىنشە بارلىعىن جەڭىپ شىعادى. باستى كەيىپكەرىمىز ءوزىنىڭ جىگەرلىگىنىڭ، ەڭبەكقورلىعىنىڭ ارقاسىندا ىندەت پەن قيىندىقتاردى ارتتا قالدىرىپ جوعارى شىعادى»، - دەدى جوبا پروديۋسسەرى باقىتگۇل تورەحان.