مەملەكەت باسشىسى قاسىم-جومارت توقايەۆتىڭ باستاماسىمەن قولعا الىنعان «اڭساعان ءسابي» باعدارلاماسىنىڭ اياسىندا بيىل 40 نارەستە دۇنيەگە كەلگەن.
بۇل تۋرالى دەنساۋلىق ساقتاۋ مينيسترلىگى انا مەن بالا دەنساۋلىعىن قورعاۋ دەپارتامەنتىنىڭ ديرەكتورى ماعريپا ەمبەرگەنوۆا ايتتى، دەپ حابارلايدى Almaty-akshamy.kz
«10 قاراشاداعى جاعداي بويىنشا، «اڭساعان ءسابي» باعدارلاماسى بويىنشا 6 مىڭ ەمدەلۋشىگە ەكوۇرىقتاندىرۋ جاسالدى. بۇل - بۇكىل جوسپارلى كولەمنىڭ 84 پايىزى دەگەن ءسوز. تاعى 740 پاسيەنت وسى باعدارلاماعا قاتىسىپ باستادى. 2000-نان استام جۇكتى ايەل ەسەپكە الىندى. بۇگىنگى تاڭدا اتالعان باعدارلاما بويىنشا 40 نارەستە دۇنيەگە كەلدى»، - دەدى دەپارتامەنت ديرەكتورى.
ونىڭ ايتۋىنا قاراعاندا، الداعى بەس جىلدا «اڭساعان ءسابي» باعدارلاماسى بويىنشا نارەستە ءسۇيۋ مۇمكىندىگى جىل سايىن 7000 جۇپقا بەرىلمەك.
«دەنى ساۋ ۇلت» ۇلتتىق جوباسى اياسىندا 2025 جىلعا دەيىن جىل سايىن بەدەۋلىگى راستالعان 7000 جۇپقا مىندەتتى مەديسينالىق ساقتاندىرۋ اياسنىدا «ەكو» جاساتۋ قاراستىرىلعان»، - دەدى ماعريپا ەمبەرگەنوۆا.