اننا دانيلينا استاناداعى جارىستىڭ جارتىلاي فينالىنا شىقتى

ال، گوزال اينيتدينوۆا جارىس جولىنان شىعىپ قالدى

قازاقستاننىڭ جۇپتىق سىنداعى ءبىرىنشى راكەتكاسى اننا دانيلينا استانادا ءوتىپ جاتقان ITF World Tennis Tour «BeeTV 40 Women's» ءتۋرنيرىنىڭ جارتىلاي فينالىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

جارىستىڭ ءبىرىنشى راكەتكالارى بولىپ تىركەلگەن ا.دانيلينا بەلارۋس وكىلى يرينا شيمانوۆيچپەن بىرگە شيرەك فينالدا تايلىقتار لۋكسيكا كۋمحۋم - پەانگتارن پليپۋكتى 6:2، 6:1 ەسەبىمەن تىزە بۇكتىردى.

قازاقستاندىق-بەلورۋسسيالىق جۇپ فينالعا شىعۋ ءۇشىن نيدەرلاندىلىقتار ياسمين گيمبرەرە - بيبيانا سحووفسپەن تالاسادى.

گوزال اينيتدينوۆا جارىس جولىنان شىعىپ قالدى. ول جەكەلەي سىندا الەمنىڭ 170-راكەتكاسى، فرانسيالىق حلوە پاكەگە جول بەردى - 6:7 (3:7)، 0:6. جۇپتىق سىندا رەسەيلىك ەكاتەرينا ماكلاكوۆامەن بىرگە رەسەيلىكتەر ۆيكتوريا دياچەنكو - اناستاسيا تيحونوۆادان ۇتىلدى - 6:7 (5:7)، 3:6.

جىبەك قۇلامبايەۆا پولشا وكىلى مارتينا كۋبكامەن بىرگە تارتىستى ماچتا دودانىڭ ەكىنشى راكەتكالارى، وڭتۇستىككورەيالىقتار حان لە حان - سۋ دجون چانعا ەسە جىبەردى - 3:6، 6:4، 3:10.