تۇركيادا بايتۇرسىنتانۋ دەڭگەيى مەن ونى دامىتۋ بويىنشا ۇسىنىستار جاسالدى
احمەت بايتۇرسىن ۇلى قازاقتىڭ عانا ەمەس، ءتۇبى ءبىر تۇركى جۇرتىنىڭ ۇستازى. ونىڭ ەڭبەگى تۋىستاس حالىقتاردىڭ ۇلتتىق بولمىسىن وياتتى، دەپ حابارلايدى «حابار 24».
تۇركيالىق عالىمداردىڭ پىكىرى وسىنداي. وسى ورايدا انكارادا «عاسىر ۇستازى – احمەت بايتۇرسىن ۇلى» اتتى دوڭگەلەك ۇستەل ءوتتى. قازاقستاننىڭ تۇركياداعى ەلشىلىگى مەن حالىقارالىق تۇركسوي ۇيىمىنىڭ ۇيىمداستىرعان جيىن الاش كوشباسشىسىنىڭ 150 جىلدىعىنا ورايلاستىرىلعان. جيىنعا تۇرىكتىڭ قوعام قايراتكەرلەرى، كورنەكتى وكىلدەرى مەن انكاراداعى ۋنيۆەرسيتەتتەردە ءبىلىم الۋشى وتانداستارىمىز قاتىستى. ءىس-شارا بارىسىندا ۇلت ۇستازىنىڭ عۇمىرى مەن ەڭبەكتەرى جايلى باياندامالار وقىلدى. تۇركيادا بايتۇرسىنتانۋ دەڭگەيى مەن ونى دامىتۋ بويىنشا ۇسىنىستار جاسالدى.
«تۇركيامەن دە قازاق گازەتىن شىعارعاندا بايلانىستارى بولعان. ول تاڭقالدىراتىن دۇنيە. قازاق گازەتىنىڭ 1914 جىلعى يانۆارىندا شىققان نومىرىندە قىزىلوردادان پالەنباي ابونيمەنت، الماتى پالەنشە ابونەنتىمىز بار، تۇركيادان 13 ابونيمەنتى بولعان قازاق گازەتىن. 1913 جىلى شىققان گازەت، سول ۋاقىتتا ىستامبۇلدا 13 ابونەنتى بولعان. تۇركيالىق زيالى قاۋىم، احمەت بايتۇرسىن ۇلىنىڭ جۇمىستارىن قۇرمەتتەيدى جانە حاباردار بولعان»،-دەيدى ەۋرازيا جازۋشىلار وداعىنىڭ ءتوراعاسى ياكۋپ ومەروعلۇ.
«20 عاسىردا تۇركى الەمىندە ءوزىنىڭ يدەنتيفيكاسياسىن ساقتاپ قالۋ ءۇشىن تۇركى الەمىنىڭ كوپتەگەن جەرىندە وسىنداي ارەكەتتەر كورەمىز. سولاردىڭ ءبىرى الاش قوزعالىسى. الاش قوزعالىسىنىڭ ىشىندە احمەت بايتۇرسىن ۇلىنىڭ ورنى ەرەكشە. ول تەك قازاققا عانا ەمەس، بۇكىل تۇركى الەمىنە تانىمال تۇلعا. ونىڭ جازعان ولەڭدەرى، ەڭبەكتەرى ، ماقالالارى، قازاق گازەتىن شىعارۋى، قازاق گازەتىندەگى رەداكتورلىق ەڭبەگى، سونداي-اق جولداستارىمەن جازعان ەڭبەكتەرى سول كەزدەگى قازاق قوعامىنىڭ عانا ماسەلەسى ەمەس، بارلىق تۇركى الەمىندە سونداي ورتاق ماسەلەلەردى كورەمىز»،-دەدى حاجى بايرام ۋنيۆەرسيتەتىنىڭ پروفەسسورى گۇلجانات قۇرمانعالي ەرجيلاسۋن.