بيبىگۇل تولەگەنوۆا 16 جەلتوقساندا 92 جاسقا تولدى
رەسەيلىك تانىمال تەلەجۇرگىزۋشىلەردىڭ ءبىرى اندرەي مالاحوۆ اتى اڭىزعا اينالعان قازاقستاندىق ءانشى بيبىگۇل تولەگەنوۆاعا ارنايى بەينەحابارلاما جولدادى، - دەپ حابارلايدى Almaty-akshamy.kz Tengrinews.kz-كە سىلتەمە جاساپ.
«قۇرمەتتى دە ءقادىرلى بيبىگۇل احمەت قىزى! "سالەم، اندرەي" باعدارلاماسىنىڭ ستۋدياسى جانە رەسەيدىڭ بارلىق كورەرمەنى ءسىزدى تۋعان كۇنىڭىزبەن قۇتتىقتايدى. سىزگە دەنساۋلىق، ساتتىلىك، تابىس تىلەيمىز. ءبىز ءسىزدى قاتتى جاقسى كورەمىز جانە باعالايمىز. ەسىڭىزدە بولسىن! ءسىز - قازاقستاننىڭ عانا ەمەس، رەسەيدىڭ دە ءىنجۋ-مارجانىسىز. سوندىقتان ءبىزدى ءارقاشان انىڭىزبەن قۋانتىڭىز. شىن جۇرەكتەن اندرەي مالاحوۆ، رەسەيدەن سۇيىسپەنشىلىكپەن»، - دەيدى مالاحوۆ ۆيدەودا.
بيبىگۇل تولەگەنوۆا 16 جەلتوقساندا 92 جاسقا تولدى. حالىق ءانشىسىنىڭ جاقىندارىنىڭ ايتۋىنشا، اندرەي مالاحوۆ "قازاق بۇلبۇلىن" قاتتى قۇرمەتتەيدى، سوندىقتان ول ەڭبەك سىڭىرگەن ارتىسكە قۇتتىقتاۋ جولداعان.
كەڭەستىك جانە قازاقستاندىق وپەرا ءانشىسى بيبىگۇل تولەگەنوۆا 1929 جىلى 16 جەلتوقساندا سەمەي قالاسىندا دۇنيەگە كەلگەن. ونىڭ ەرەكشە داۋىسى بۇرىنعى كسرو-داعى قاراپايىم ازاماتتاردىڭ دا ماڭگى ەسىندە قالدى.
2020 جىلى بيبىگۇل تولەگەنوۆا اندرەي مالاحوۆتىڭ كومپوزيتور الەكساندر زاسەپين تۋرالى باعدارلاماسى ءۇشىن ۆيدەو ءتۇسىردى. سول كەزدە رەسەيلىك تانىمال شوۋمەن ونى قازاق مۋزىكا ونەرى ءۇشىن "وتان-انا" دەپ اتاعان ەدى.