تالىمگەردىڭ ورنىن ەشكىم اۋىستىرمايدى
28 قاراشاعا قاراعان ءتۇنى ومىردەن وزعان الەكساندر گرادسكييدىڭ شاكىرتتەرى «گولوس» شوۋىنا تالىمگەرسىز قاتىسۋدى جالعاستىرادى، دەپ حابارلايدى Almaty-akshamy.kz ulysmedia.kz-كە سىلتەمە جاساپ.
Starhit.ru-دىڭ مالىمەتىنشە، تالىمگەر قايتىس بولعاننان كەيىن ءۇش اپتا وتكەن سوڭ ءبىرىنشى ارنادا كورسەتىلىپ جاتقان جوبا باسشىلىعى ونىڭ كومانداسى ارى قاراي نە ىستەۋ كەرەكتىگىن شەشتى. گرادسكييدىڭ ورنىن كومپوزيتوردىڭ ۇلى دانييل نەمەسە باسقا بەدەلدى تۇلعالار، اتاپ ايتقاندا لاريسا دولينا نەمەسە گريگوريي لەپس الادى دەگەن پىكىرلەر ايتىلدى.
بەلگىلى بولعانداي، تالىمگەردىڭ ورنىن ەشكىم اۋىستىرمايدى. گرادسكييدىڭ شاكىرتتەرى ونىڭ اتىنداعى كوماندادا ونەر كورسەتۋىن جالعاستىرادى.
جاڭا تالىمگەر 100% بولمايدى. ءقازىر گرادسكيي كومانداسىندا ءۇش ۆوكاليست بار. ولار: قازاقستاندىق الىشەر كارىموۆ، تاتيانا كاچۋرينا جانە كارينا كۋپەر. ولاردىڭ قايسىسى جارتىلاي فينالعا وتەتىنىن تەلەكورەرمەندەر ونلاين داۋىس بەرۋ ارقىلى تاڭدايدى.