يسپانيادان قازاقستانعا اناسىن ىزدەپ كەلگەن جانىبەك ەسىمدى 21 جاستاعى جاس جىگىت (قازىرگى قۇجاتىندا ەددي جان، – رەد.) شەتەلگە ۇشىپ كەتتى. ول جولعا شىعار الدىندا الەۋمەتتىك جەلىدە جازبا قالدىردى.
قۇرمەتتى قازاقستاندىقتار! وزدەرىڭىزدەي قوناقجاي، مەيىرىمدى حالىقپەن تانىسۋعا مۇمكىندىك بەرگەندەرىڭىز ءۇشىن جانە قولداۋ تانىتقاندارىڭىز ءۇشىن مىڭ العىس! مەن قازاقستاننىڭ ءار ۇلىنا، قىزىنا، اناسىنا، اكەسىنە ءتانتىمىن جانە ريزامىن! دوستار، مەنىڭ ۆيزامنىڭ ۋاقىتى اياقتالدى. ەندى تۋعان جەردەن كەتۋىم كەرەك. ءبىراق مەن جاقىن ارادا قايتىپ كەلەمىن. مەن تۋعان انامدى ىزدەۋدى توقتاتپايمىن. كەشە قازاق راديوسىنىڭ «بارمىسىڭ، باۋىرىم؟» حابارىنىڭ رەداكسياسىنا مەنىڭ اتىمنان سوت وتىرىسىنا قاتىسۋعا، ماعان قاتىستى كەز كەلگەن مالىمەت الۋعا، مەنىڭ اتىمنان ارىز، ءوتىنىش، شاعىم جازۋعا زاڭ بويىنشا تولىق رۇقسات بەردىم، – دەپ جازدى ول.
جانىبەك قازاقستانعا كەلگەندە اناسىن ىزدەۋگە كومەكتەسكەن بارشا ازاماتقا العىس ايتتى. سونىمەن بىرگە ول ءوزى ءۇشىن قيىن كۇندەردىڭ بولعانىن دا جاسىرمادى.
قازاقستانعا كەلگەلى قانشالىقتى ەموسيونالدى كۇيدە بولعانىمدى كوردىڭىزدەر. مەن ءۇشىن تىم اۋىر كۇندەر بولدى. ەندى مەن وز-وزىمە كەلۋ ءۇشىن وزىمە ءبىراز ۋاقىت ءبولۋدى ءجون كوردىم. سوندىقتان يسپانياعا بىردەن قايتپايمىن. بىرەر كۇن تايلاندتا بولامىن. ويىمدى جيناقتاپ، دەمالىپ العىم كەلەدى. ازىرگە كوپ مالىمەتتى ايتا المايمىن. ءبىراق بۇل وقيعا مەن كۇتكەننەن دە قيىن سياقتى...
قازاق راديوسىنىڭ «بارمىسىڭ، باۋىرىم؟» حابارى ارقىلى 2002 جىلعى قاڭتاردا ارقالىق قالاسىنىڭ پەرزەنتحاناسىنا ۇلىن تاستاپ، قولحات جازىپ كەتكەن، ارحيۆتىك رەسمي قۇجاتتار نەگىزىندە مەنىڭ تۋعان انام بولىپ سانالاتىن ايەل تابىلدى. ول ايەلگە ءقازىر رەداكسيا ەكىنشى رەت دنق ساراپتاماسىن جاساپ جاتىر. @kymbatdoszhan & @asel_asqarqyzy سىزدەر ىزدەي بەرىڭىزدەر! الدا كوپ جاڭالىق بولادى دەپ سەنەمىن، – دەدى جانىبەك.
ول ءار قازاقتىڭ بالاسىنىڭ وزىنە باۋىر ەكەنىن تۇسىنگەنىن ايتتى.
قازاقستانىم، راحمەت ساعان، تۋعان ەل! ەڭ باستىسى، مەن بۇل ساپارىمدا تۋعان جەرىمدى تاپتىم، تۋعان ەلىممەن قاۋىشتىم، ءار قازاققا بالا، باۋىر ەكەنىمدى ءتۇسىندىم. ءبارىڭىزدى جاقسى كورەمىن. اماندىقتا جۇزدەسەيىك! – دەدى ول.
ەسكە سالا كەتسەك، بۇعان دەيىن بەلگيالىق وتباسى اسىراپ العان قازاق بالاسىنىڭ قازاقستانعا كەلىپ، اناسىن ىزدەيتىنى تۋرالى جۋرناليست ولجاس بەركىنبايەۆ ءوزىنىڭ Facebook-تەگى پاراقشاسىنا جازعان بولاتىن. ودان كەيىن بۇل اقپارات باق-تا تاراپ، ىسكە بۇكىل ەل ارالاسىپ كەتتى.