جاڭا جىل قارساڭىندا جولاۋشىلارعا 2،5 مىڭنان استام جولسەرىك قىزمەت كورسەتەدى.
سونداي-اق، جاڭا جىلدى 80 پويىز باستىعى جۇمىس ورنىندا قارسى الادى. بۇكىل قازاقستان بويىنشا مەرەكە تۇنىندە 135 ۆوكزال كاسساسى جانە كاسسالىق پۋنكتتەردىڭ 162 قىزمەتكەرى جۇمىس ىستەيتىن بولادى، دەپ حابارلايدى اlmaty-akshamy.kz «جولاۋشىلار تاسىمالى» اق باسپا ءسوز قىزمەتىنە سىلتەمە جاساپ.
ون التىنشى جاڭا جىلدى جولاۋشىلار پويىزىنىڭ جولسەرىگى مەرۋەرت قورابايەۆا دوڭعالاقتاردىڭ سوعۋىمەن قارسى الادى. ونىڭ بۇل قىزمەتتەگى ەڭبەك ءوتىلى 18 جىل.
«مەرەكە كۇندەرى تەمىرجول ءۇزىلىسسىز جۇمىس ىستەيدى. جاڭا جىلعا قاراي جولاۋشىلار سانى كوبەيەدى. ءتۇن ورتاسىندا ءبىز ءبىر-بىرىمىزدى جانە جولاۋشىلاردى جاڭا جىلمەن قۇتتىقتايمىز، وسىلايشا جولدا ءبىر ۇلكەن وتباسىنا اينالامىز. ءبىز جولاۋشىنىڭ باراتىن جەرىنە امان - ەسەن جەتۋى جانە وتباسىنىڭ جانىندا بولۋى ءۇشىن قولدان كەلگەننىڭ ءبارىن جاسايمىز»، - دەيدى جولسەرىك.
بيىل اۋا-رايىنىڭ قولايسىزدىعىنا بايلانىستى مەرەكە كۇندەرى تەمىرجول ءۇشىن قيىن بولدى. ەكى كۇن ىشىندە جولاۋشىلار پويىزدارى 4 مىڭعا جۋىق ادامدى ەۆاكۋاسيالادى. جولاۋشىلار تاسىمالى قىزمەتكەرلەرى قولايسىز اۋا-رايى كەزىندە ءقاۋىپسىز تاسىمالداۋدى بارىنشا قامتاماسىز ەتتى. №6805 ەلەكتر پويىزىنىڭ اعا جولسەرىگى نۇرساۋلە قارتابايەۆا دەمالىس كۇنى ارىپتەستەرىنە كومەك كورسەتۋ ءۇشىن جۇمىسقا شىعىپ وتىر.
"ءبىزدىڭ جۇمىسىمىزدا ءارتۇرلى جاعدايلار بولادى. ءبىز ءارقاشان تاۋلىكتىڭ كەز كەلگەن ۋاقىتىندا جۇمىسقا شىعۋعا دايىن ءجۇرۋىمىز كەرەك. ءبىز ءۇشىن جولاۋشىلارىمىزدىڭ قاۋىپسىزدىگى مەن جايلىلىعىن قامتاماسىز ەتۋ ماڭىزدى"، - دەپ ءبولىستى ول.
«جولاۋشىلار تاسىمالى» اق-نىڭ بارلىق قۇرىلىمدىق قىزمەتتەرى جولاۋشىلاردىڭ جايلى جانە ءقاۋىپسىز ساياحاتىن قامتاماسىز ەتۋ ءۇشىن جۇمىس ىستەۋدە.