مەملەكەت باسشىسىنىڭ تاپسىرماسىمەن ەلىمىزدە العاش رەت انالارعا العىس ايتۋ كۇنى تويلانادى. اتالعان مەرەكە بيىل 12 مامىرعا ءتۇستى.
وسىعان وراي پاۆلودار وبلىسىندا جاستار باستامالارىن دامىتۋ ورتالىعىندا «اناعا تاعزىم» فورۋمى ۇيىمداستىرىلدى. وعان ءوڭىردىڭ تۇكپىر-تۇكپىرىنەن انالار كەڭەسىنىڭ مۇشەلەرى، ەرىكتىلەر قاتىستى، دەپ حابارلايدى Almaty-akshamy.kz.
ايزادا قۇرمانوۆا، پاۆلودار وبلىسى اكىمىنىڭ ورىنباسارى
انالار كۇنىن مەرەكەلەۋ انالاردىڭ مارتەبەسىن نىعايتۋعا، ماڭىزدىلعىن ارتتىرۋعا ىقپال ەتەدى. ەرەكشەلىگىن جاقسى تۇسىنەمىز. مەملەكەت باسشىسى اناسىن ارداقتاعان اسىل قاسيەت دەپ اتاپ وتكەن.
8 ناۋرىز حالىقارالىق ايەلدەر كۇنى ءبىر بولەك مەيرام. ال، مامىردىڭ ەكىنشى جەكسەنبىسىندە اتاپ وتىلەتىن انالارعا العىس ايتۋ كۇنى ەندى باسقا دەڭگەي مەن دارەجەگە جەتەدى دەپ سەنەمىز. سەبەبى، بارلىق جاقسىلىق پەن باقىتتىڭ باستاۋى انادان باستالادى.
باقىتجامال ماكسيلوۆا، «نۇر-انا الەمى» قب ءتوراعاسى
قازاقستان حالقى اسساملەياسىنىڭ انالار كەڭەسى قوعامدىق بىرلىك پەن تاتۋلىقتى نىعايتۋعا مەكتەپكە اينالىپ، جۇمىس اتقارۋدا. انالار كەڭەسى مەدياسيا سالاسىندا ءوزىن كورسەتە ءبىلدى.
وسى رەتتە، ەل اناسى باقىتجامال شاحان قىزى الدىمەن سۋ تاسقىنى كەزىندە بىرلەسە جۇمىس جاساعان ەرىكتىلەرگە ەرەكشە العىسىن ءبىلدىردى. جاستارعا سەنىم ارتىپ، ارنايى ماراپاتىن دا ۇسىندى. ال زارا قابدەش قىزىنىڭ قۇرمەتىنە بەرىلەتىن «دارا جول» ءتوس بەلگىسىن ۇلتتىق ەرىكتىلەر جەلىسىنىڭ ءتورايىمى ۆەرا كيمعا بەردى.
ۆەرا كيم، ق ر پارلامەنتى ءماجىلىسىنىڭ دەپۋتاتى
راسىمەن ءبىز ءوز ايەلدەرىمىزبەن، انالارىمىزبەن ماقتانا الامىز. سەبەبى ولار ءتۇرلى سالادا جەتىستىككە جەتىپ، قۋانتىپ وتىر. بۇگىن وتە كەرەمەت شارا. ۇيىمداستىرۋشىلارعا العىس ايتامىن. قاي زامانداردا بولسىن انا مەن ايەلدىڭ ءرولى قوعامدا ماڭىزدى.
ودان بولەك، فورۋم بارىسىندا انا مەن بالاعا قولۇشىن بەرەتىن داعدارىس ورتالىقتارى، قورلار ءسوز الدى.
سالتانات سىپاتيلوۆا، «انا ءۇيى» قق وكىلى
مەن قوردىڭ جۇمىسى جايلى ايتامىن. «انا ءۇيى» قوعامدىق قورى 10 جىل جۇمىس جاسايدى. وسى ۋاقىت ىشىندە ءبىز 7000 بالانىڭ بالالار ۇيىنە تۇسپەي، اناسىمەن قالۋىنا كومەكتەستىك. ەلىمىز بويىنشا بارلىق وبلىستاردا انا ءۇيى بار. ءبىز انالار مەن بالالارعا الەۋمەتتىك، زاڭدى، پسيحولوگيالىق تۇردە كومەك بەرەمىز. ءقازىر پاۆلودارداعى ورتالىقتا 9 انا مەن 12 بالا بار.
ودان بولەك، فورۋم اياسىندا انا مەن بالالارعا كورسەتىلەتىن الەۋمەتتىك كومەك، جاردەماقىلار تۋرالى دا ايتىلدى. ەستەرىڭىزگە سالايىق، 12 مامىر ەلىمىزدە العاش رەت اناعا العىس ايتۋ كۇنى اتاپ وتىلەدى.