كۇلاش بايسەيىتوۆا اتىنداعى مۋزىكا مەكتەبىنىڭ وقۋشىسى حالىقارالىق بايقاۋدىڭ جۇلدەگەرى اتاندى.
بورجومي قالاسىندا گرۋزين فولكلورى مەن كلاسسيكالىق مۋزىكانى دامىتۋ وداعى «گارمونيا»، ە.ميكەلادزە اتىنداعى ورتالىق مۋزىكا مەكتەبى جانە بورجومي قالالىق مۋنيسيپاليتەتى ۇيىمداستىرعان «WORLD HARMONY» IV حالىقارالىق بايقاۋى ءوتتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
ك. بايسەيىتوۆانىڭ «ارنايى فورتەپيانو» كلاسى بويىنشا ءۇشىنشى سىنىپ وقۋشىسى ءامىرجان ابىلاي اتالعان بايقاۋدا ونەر كورسەتىپ، ءبىرىنشى ورىنعا يە بولدى. ءامىرجان ابىلاي ءۇش كەزەڭنەن ءساتتى ءوتىپ، فينالدا موسارتتىڭ فورتەپيانوعا ارنالعان كونسەرتىن وركەسترمەن ورىنداپ شىعىپ، ءبىرىنشى پرەميا لاۋرەاتى اتاندى. ايتا كەتەيىك، بۇل كىشكەنتاي ءپيانيستىڭ ومىرىندەگى وركەسترمەن ويناۋداعى العاشقى تاجىريبەسى ەدى.