2021 جىلعى 15 تامىزدا شامامەن ساعات 14.30-دا الماتى وبلىسى كەربۇلاق اۋدانى جولامان اۋىلىندا قاتتى، قىسقا مەرزىمدى جاڭبىر تۇرىندەگى جاۋىن-شاشىننىڭ ناتيجەسىندە جولامان اۋىلىنىڭ شەتىندەگى بىرنەشە كوشەلەر مەن اۆتوجولدار بويىمەن قارقىندى كولبەۋ اعىن ءجۇرىپ ءوتتى، دەپ حابارلايدى Almaty-akshamy.kz الماتى وبلىسى تجد باسپا ءسوز قىزمەتىنە سىلتەمە جاساپ.
كولبەۋ اعىستىڭ سالدارىنان زارداپ شەككەندەر جانە قيراۋلار جوق. قازىرگى ۋاقىتتا جاڭبىر توقتاپ، سۋ دەڭگەيى تومەندەدى، جاعداي تۇراقتاندى.
ەستەرىڭىزگە سالا كەتەيىك، 14 تامىزدا الماتى وبلىسى توتەنشە جاعدايلار دەپارتامەنتى 15-16 تامىزدا الماتى وبلىسىنىڭ تاۋلارىندا جانە تاۋلى اۋداندارىندا قاتتى جاڭبىر جاۋادى دەگەن بولجامعا بايلانىستى وزەندەردە سۋ دەڭگەيىنىڭ كوتەرىلۋى جانە كولبەۋ اعىنداردىڭ قالىپتاسۋى كۇتىلىپ وتىرعانى تۋرالى SMS-حابارلاما، "دارمەن" ءموبيلدى قوسىمشاسى، الەۋمەتتىك جەلىلەر، سونداي-اق ب ا ق ارقىلى داۋىلدى ەسكەرتۋ تاراتقان بولاتىن.
الماتى وبلىسىنىڭ تجد ازاماتتاردى اۋا رايىنىڭ وزگەرۋىن باقىلاۋعا جانە قاۋىپسىزدىك شارالارىن ساقتاۋعا شاقىرادى. داۋىل تۋرالى ەسكەرتۋلەر مەن وزگە دە شۇعىل اقپارات الۋ ءۇشىن "دارمەن" تەگىن ءموبيلدى قوسىمشاسىن جۇكتەپ الۋدى ۇسىنادى.