بۇل الاياقتىقتىڭ ءتۇرى مادريدتە پايدا بولعان.
تۋريستەرگە جاڭا الاياقتىق سحەماسى تۋرالى ەسكەرتىلدى، دەپ حابارلايدى aqshamnews.kz
Birmingham Hall باسىلىمى يسپانيادا جاڭا الاياقتىق ءتۇرى – تۋريستەردى "قۇشاقتاسۋ" ارقىلى الداۋى مۇمكىن ەكەنى تۋرالى جازدى.
جەرگىلىكتى پوليسەيلەر تۋريستەرگە "دوستاستىقپەن" جاقىنداعان الاياقتاردان 40 مىڭ ەۋرودان اسا قاراجات، 11 ساعات جانە بىرنەشە زەرگەرلىك بۇيىم تاركىلەگەن.
ادەتتە بۇل الاياقتىقتى ەر مەن ايەل دۋەتى ۇيىمداستىرادى. ايەل تۋريستكە: "اميگو، كەل قۇشاقتاسايىق" دەپ ۇسىنىس جاساپ، ونىڭ نازارىن اۋدارىپ تۇرادى، ال ەر ادام وسى ساتتە ونىڭ قالتالارىنان تەلەفون، اقشا جانە باسقا دا باعالى زاتتارىن ۇرلايدى. ءتۋريستىڭ بەيتانىس اداممەن قۇشاقتاسۋعا ءماجبۇر بولعانىنان تۋىندايتىن قوبالجۋى دا الاياقتارعا كومەكتەسەدى.
پوليسيا تەك تۋريستەردىڭ جەكە زاتتارىنا عانا ەمەس، سونىمەن قاتار جەرگىلىكتى تۇرعىنداردىڭ دەمالۋشىلارعا دەگەن تەرىس كوزقاراسىنىڭ وسۋىنەن ولاردىڭ قاۋىپسىزدىگىنە دە الاڭداۋلى.