الماتىدا قۇرمانعازى كوشەسىنىڭ بويىنداعى 38 جىل بۇرىن ىسكە قوسىلعان قۇبىر اۋىستىرىلدى
الماتىدا قۇرمانعازى كوشەسىنىڭ بويىمەن پۋشكين كوشەسىنەن زەنكوۆ كوشەسىنە دەيىن توسەلگەن قۇبىر اۋىستىرىلدى. بيىل قايتا جوندەۋدەن وتكىزىلگەن ۋچاسكەنىڭ ۇزىندىعى 305 مەتردى قۇرايدى، دەپ حابارلايدى aqshamnews.kz
اۋىستىرىلعان قۇبىر 1986 جىلى پايدالانۋعا بەرىلگەن ەدى، ول 5 كوپپاتەرلى تۇرعىن ءۇي مەن 4 باسقا دا نىساندى جىلۋ جانە ىستىق سۋمەن قامتاماسىز ەتىپ وتىر.
جالپى، بيىل قالادا الماتى اكىمى ەربولات دوسايەۆتىڭ تاپسىرماسىمەن ۇزىندىعى 20 شاقىرىم جىلۋ جەلىلەرى قايتا جاڭعىرتىلدى. جاڭعىرتۋ جۇمىستارى جىل سايىن جىلىتۋارالىق كەزەڭدە جۇرگىزىلەدى، بيىل ولار الماتى قالاسىنىڭ 6 اۋدانىندا اتقارىلدى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە ورنالاستىرىلعان.
