اقش-تىڭ نيۋ-مەكسيكا شتاتىندا ورمان ورتەنىپ، ماڭىنداعى ءبۇتىن ءبىر اۋىل جانىپ كەتتى.
ءورت 2 كۇندە 6 مىڭ گەكتار جەردى شارپىدى. سونىڭ سالدارىنان رۋيدوسو اۋىلىندا 1400 ءۇي قيراپ، 7 مىڭنان استام ادام ءقاۋىپسىز جەرگە كوشىرىلدى، دەپ حابارلايدى اlmaty-akshamy.kz 24.kz-كە سىلتەمە جاساپ.
جەرگىلىكتى پوليسيا ءبىر ادامنىڭ كوز جۇمعانىن مالىمدەدى. ايماقتا توتەنشە جاعداي جاريالانىپ، ءورت سوندىرۋگە اقش ۇلتتىق گۆاردياسىنىڭ قىزمەتى جۇمىلدىرىلدى. برياننا ۆەنتۋرا، لينكولن وكرۋگىنىڭ تج قىزمەتى بويىنشا وكىلى: - وتە اۋقىمدى ءورت. ءدال مۇنداي اپاتتى جاعدايدى وسىعان دەيىن بۇل ماڭنان كورمەدىم. تۇرعىنداردى شۇعىل تۇردە ەۆاكۋاسيالاپ ۇلگەردىك. اۋىل ءبىر-اق ساتتە تۇرۋعا جارامسىز بولىپ قالدى. گرەكيادا توتەنشە جاعداي جاريالاندى گرەكيا دا ورمان ورتىمەن ارپالاسىپ جاتىر. بيلىك اپاتقا بايلانىستى توتەنشە جاعداي جاريالادى. افينا ماڭىنداعى اۋدانداردا 60-تان استام ءورت وشاعى تىركەلگەن. ءورت سوندىرۋگە 150-دەن استام مامان مەن 45 تەحنيكا جۇمىلدىرىلعان. ايتۋلارىنشا، قىزىل جالىنمەن كۇرەسۋگە ايماقتاعى اپتاپ كەدەرگى كەلتىرۋدە. سىناپ باعاناسى 38 گرادۋستان اسادى.