B12 دارۋمەنىنىڭ قانداي قاسيەتتەرى بار؟
امەريكانىڭ دەلاۆەر ۋنيۆەرسيتەتىنىڭ زەرتتەۋشىلەرى ۆ12 دارۋمەنى السگەيمەر اۋرۋىنىڭ دامۋىنا اسەر ەتۋى مۇمكىن ەكەنىن انىقتادى. مامانداردىڭ وسىعان قاتىستى مالىمەتتەرىن 16 قاراشا كۇنى Express باسىلىمى كەلتىرگەن، دەپ حابارلايدى Almaty-akshamy.kz «يزۆەستيا» باسىلىمىنا سىلتەمە جاساپ.
عالىمدار السگەيمەر اۋرۋى بار ناۋقاستاردا بەتا-اميلويد اقۋىزدارىنىڭ جينالىپ قالاتىنىن اتاپ ءوتتى. بۇل قوسىلىستار نەيروندارعا ۋلى اسەرىن بولەدى دە، ول ەنەرگيانىڭ تومەندەۋىنە اكەلەدى، سونىمەن قاتار ۇزاققا سوزىلعان پاراليچكە اكەلەدى.
ماماندار كادىمگى جاۋىن قۇرتىنا تاجىريبە جۇرگىزگەن. ولاردى B12 دارۋمەنىنىڭ E.coil باكتەريالارىمەن تاماقتاندىرۋدان كەيىن انىقتالعانى – جانى كەتىپ قالۋ (پاراليچ) اسەرىنەن قوسىمشا قورعانىشقا يە بولعان.
«ءبىز ءۆيتاميننىڭ جەتىسپەۋشىلىگى بار قۇرتتارعا B12 دارۋمەنى بەرگەن كەزدە، پاراليچ باياۋ ءجۇردى، بۇل بىزگە B12 پايدالى ەكەنىن بىردەن بايقاتتى»، — دەپ اتاپ ءوتتى جۇمىستىڭ جەتەكشى اۆتورى پروفەسسور دجەسسيكا تانيس.
سونىمەن بىرگە، زەرتتەۋگە قاتىسپاعان، ءبىراق دارىگەرلەردىڭ تۇجىرىمدارىمەن تانىسقان Alzheimer ' s Research UK ترانسلياسيالىق عىلىمىنىڭ جەتەكشىسى، دوكتور دجەيمس كوننەلل مۇنداي جۇمىستاردىڭ مەديسينادا ۇلكەن جەتىستىك ەكەنىن اتاپ ءوتتى. الايدا، ونىڭ ايتۋىنشا، ءۆيتاميننىڭ اعزاعا قانشالىقتى جاقسى اسەر ەتەتىنىن ءبىلۋ ءۇشىن تىشقاندارعا، سودان كەيىن ادامدارعا وسىنداي تاجىريبەلەر جاساۋ كەرەك.
بۇعان دەيىن، قاڭتار ايىندا ران سيتولوگيا جانە گەنەتيكا ينستيتۋتىنىڭ عالىمدارى السگەيمەر مەن پاركينسون اۋرۋلارىمەن كۇرەسۋدىڭ ءادىسى رەتىندە بيدايدىڭ ەرەكشە ءتۇرىن قولدانۋدى ۇسىندى. ولاردىڭ ايتۋىنشا، قۇرامىندا انتوسيانيندەر بار بيداي ورگانيزمنىڭ كوگنيتيۆتىك قىزمەتىنە وڭ اسەر ەتەدى، بۇل پاتوگەنەتيكالىق پروسەستەردى توقتاتۋعا مۇمكىندىك بەرەدى.