«AMANAT» پارتياسىنان دەپۋتاتتىققا كانديداتتار اسقار حيكمەتوۆ، شولپان جامانبالايەۆا جانە باۋىرجان سەرالين الماتى زووباعىنىڭ ۇجىمىمەن كەزدەسىپ، جيىلعان قاۋىمدى پارتيانىڭ سايلاۋالدى باعدارلاماسىمەن تانىستىردى.
««AMANAT» پارتياسى باسقا پارتيالارعا قاراعاندا جاۋاپكەرشىلىكتەن قورىقپايدى، ءوزىنىڭ ناقتى باسقارۋ تاجىريبەسى بار جانە جۇزەگە اسپايتىن پوپۋليستىك ۇرانداردى ەمەس، ناقتى جوسپارلاردى ۇسىنادى»، – دەيدى الماتى قالالىق ءماسليحاتىنا ۇسىنىلعان دەپۋتاتتىققا ۇمىتكەر ش.جامانبالايەۆا.
سونداي-اق كانديداتتار پارتيا ءتۇرلى سالاعا رەفورمالار ەنگىزىپ، حالقىمىزدىڭ الەۋمەتتىك جاعدايىن، قۇقىعىنىڭ قورعالۋىن، ەل ەكونوميكاسىنىڭ وركەندەۋىن ماقسات ەتەتىن تىڭ باستامالاردىڭ جۇزەگە اسىرىلۋىنا ىقپال ەتىپ كەلە جاتقانىن ايتتى. دەپۋتاتتىققا كانديدات قورشاعان ورتاعا قاتىستى وزەكتى ماسەلەنىڭ از ەمەستىگىن تىلگە تيەك ەتە وتىرىپ، ءقاۋىپسىز قالالىق ورتا اياسىندا اتقارىلاتىن ءىس-شارالاردى تىزبەكتەدى. سونىڭ ىشىندە مەگاپوليستەگى ءۇيسىز جانۋارلاردىڭ سانىنا مونيتورينگ جۇرگىزىلەتىنىن حابارلادى.
سونىمەن قاتار جيىندا اعاشتاردى زاڭسىز كەسۋگە، ەكولوگيالىق قۇقىق بۇزۋشىلىقتارعا، جانۋارلارعا قاتىگەزدىك كورسەتۋگە پارتيالىق باقىلاۋدى كۇشەيتىپ، ەكولوگيالىق اقپاراتتىڭ اشىقتىعى قامتاماسىز ەتىلەتىنى ايتىلدى.
«جوعارىدا اتالعان شارالاردىڭ ناتيجەسىندە 2027 جىلدىڭ سوڭىنا قاراي بارلىق كوزدەردەن شىعارىندىلار 105 مىڭ تونناعا دەيىن قىسقارادى دەپ كۇتىلۋدە. بۇل قالا اۋاسىنىڭ ساپاسىن ايتارلىقتاي جاقسارتادى. قتق قايتا وڭدەۋ ۇلەسى قازىرگى 18%-دان 36%-عا دەيىن ۇلعايادى، جاسىل جەلەكتەرمەن ورتاشا قامتاماسىز ەتۋ 13 م2 ادامدى قامتيتىن بولادى»، – دەدى كانديدات شولپان جامانبالايەۆا.
جيىن بارىسىندا سايلاۋشىلار ءوز سالاسى بويىنشا عانا ەمەس، سايلاۋ الدىنداعى باعدارلامادا كورسەتىلگەن ءبىلىم مەن عىلىمعا، ەڭبەكاقىعا قاتىستى باسىمدىقتارعا نازار اۋداردى. ماسەلەن، ەلىمىز بويىنشا، ونىڭ ىشىندە الماتى قالاسىنداعى زووباقتاردىڭ جەتىسپەۋشىلىگى، ونى دامىتۋ ماسەلەسى قوزعالدى. سونداي-اق، اتالعان ۇيىمدارداعى قىزمەتكەرلەر ەڭبەكاقىسىنىڭ ازدىعى سۇراعى وتكىر بولىپ تۇر.
مەكەمەنىڭ ۇيىمى بەدەلدى ءارى بەلسەندى. ولار الداعى سايلاۋعا ءبىر كىسىدەي قاتىسپاق.
الماتى قالاسى ءماسليحاتى دەپۋتاتتارىنىڭ سايلاۋىندا پارتيالىق ءتىزىمدى ۇسىنعان «AMANAT» پارتياسى سايلاۋ قورىنىڭ قاراجاتىنان تولەندى