بۇعان دەيىن جاس شەكتەۋى 29 جاس دەپ بەلگىلەنگەن بولاتىن.
قازاقستان رەسپۋبليكاسى ۇكىمەتىنىڭ 2023 جىلعى 3 ناۋرىزداعى قاۋلىسىمەن "دارىن" سىيلىعىن جانە "تاۋەلسىزدىك ۇرپاقتارى" گرانتىن تاعايىنداۋ قاعيدالارىنا وزگەرىستەر ەنگىزىلدى، دەپ حابارلايدى Almaty-akshamy.kz
سىيلىق الۋعا وتىنىمدەر قابىلداۋ اياقتالعان كەزدە 35 جاسقا تولماعان، حالىقارالىق جانە رەسپۋبليكالىق كونكۋرستاردىڭ، فەستيۆالدەر مەن كورمەلەردىڭ لاۋرەاتتارى، رەسپۋبليكالىق جانە حالىقارالىق دەڭگەيلەردەگى سپورتتىق جارىستاردىڭ جۇلدەگەرلەرى مەن جەڭىمپازدارى بولىپ تابىلاتىن قازاقستان رەسپۋبليكاسىنىڭ ازاماتتارى، سونداي-اق قىزمەتى يننوۆاسيالىق بولىپ سانالاتىن جانە ءتيىستى سالا مەن تۇتاستاي قوعامدى دامىتۋعا ىقپال ەتەتىن كانديداتتار ۇمىتكەر بولادى.
سىيلىقتى ءبىر ۋاقىتتا ءار نوميناسيا بويىنشا ەكىدەن اسپايتىن ىزدەنۋشىگە بەرۋگە بولادى، بۇل جاعدايدا ونىڭ اقشالاي بولىگى ولاردىڭ اراسىندا تەڭ بولىنەدى. سىيلىقتى قايتا بەرۋگە جول بەرىلمەيدى. بiر كانديداتۋرانى بiر نوميناسيادان ارتىق سىيلىق الۋعا ۇسىنۋعا بولمايدى.
سىيلىق اۆتورلار ۇجىمىنا بەرiلسە، ونىڭ اقشالاي ءبولiگi ولاردىڭ مۇشەلەرى اراسىندا تەڭ ءبولiنەدi.
"تاۋەلسىزدىك ۇرپاقتارى" گرانتىن تاعايىنداۋ ەرەجەسىندە كونكۋرسقا قاتىسۋعا كونكۋرستىق ءوتىنىم بەرگەن، كونكۋرستىق وتىنىمدەردى قابىلداۋ اياقتالعان كەزدە 14 جاستان 35 جاسقا دەيىنگى قازاقستان رەسپۋبليكاسىنىڭ ازاماتى ۇمىتكەر بولا الاتىنى جازىلعان.
قاۋلى 2023 جىلعى 17 ناۋرىزدان باستاپ كۇشىنە ەنەدى.