قازاقستان رەسپۋبليكاسى دەنساۋلىق ساقتاۋ ۆيسە-مينيسترى ەرلان نۇرلىبايەۆ ازاماتتاردىڭ مەديسينالىق كومەككە قاتىستى وتىنىشتەرىن تىڭدادى. پاۆلودار وبلىسىنىڭ زەينەتكەرى وكپەنىڭ سوزىلمالى اۋرۋىنا بايلانىستى الماتى نەمەسە استانا قالاسىنا تەكسەرۋگە جانە ەمدەلۋگە جىبەرۋگە قولداۋ كورسەتۋدى سۇرادى. 3-توپتاعى مۇگەدەكتىگى بار بالانىڭ اناسى قازاقستاندا ارنايى وڭالتۋ ورتالىقتارىنىڭ جوقتىعىن ايتىپ، ماسكەۋدە ەمدەلۋگە كومەك كورسەتۋدى ءوتىندى.
سونداي-اق باۋىر ترانسپلانتاسياسىن قاجەت ەتەتىن ونكولوگيالىق ناۋقاس بالانىڭ اناسى شەتەلدە ەم الۋ ماسەلەسىن كوتەردى. استانا تۇرعىنى 2008 جىلى العان فارماسيەۆت-پروۆيزور بىلىكتىلىگىن راستاۋ ماسەلەسىن قوزعادى، سەبەبى ءتيىستى قۇجاتسىز جۇمىسقا تۇرۋ مۇمكىن ەمەس. سونىمەن قاتار ۋاقىتشا جۇمىسسىز ازاماتتار ءۇشىن مىندەتتى الەۋمەتتىك مەديسينالىق ساقتاندىرۋ (ءمامس) تالاپتارىن قايتا قاراۋ، پسيحيكالىق اۋرۋلاردى دياگنوستيكالاۋدى كۇشەيتۋ، مەديسينالىق مەكەمەلەردىڭ جۇمىسىنا قاتىستى شاعىمدار كوتەرىلدى. ەرلان نۇرلىبايەۆ بارلىق ماسەلەلەر جان-جاقتى قارالىپ، دەنساۋلىق ساقتاۋ مينيسترلىگى ولاردىڭ شەشىمىن تابۋعا بارىنشا كۇش سالاتىنىن مالىمدەدى.
ق ر قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ءبىرىنشى ورىنباسارى نۇرلان ابدراحمانوۆ ازاماتتاردىڭ قارجىلىق قيىندىقتارىن شەشۋگە قاتىستى وتىنىشتەرىن قابىلدادى. استانا تۇرعىنى الاياقتىق جولمەن ءوز اتىنا نەسيە راسىمدەلگەنىن ايتىپ، ماسەلەنى شەشۋگە كومەك سۇرادى. اتىراۋ تۇرعىنى «دامۋ» باعدارلاماسى اياسىندا بيزنەسىن دامىتۋ ءۇشىن 170 ملن تەڭگە نەسيە العانىن ايتىپ، ءبىر جىلعا كەيىنگە شەگەرۋدى ءوتىندى. تاراز قالاسىنىڭ تۇرعىنى نەسيەلەرى مەن ميكروكرەديتتەرىن قايتا قارجىلاندىرۋ بويىنشا كومەك سۇرادى. سونىمەن قاتار، ازاماتتار بانك قىزمەتتەرىنە قاتىستى شاعىمدارىن جەتكىزدى. نۇرلان ابدراحمانوۆ اگەنتتىك بارلىق وتىنىشتەردى مۇقيات زەرتتەپ، قولدانىستاعى زاڭناما اياسىندا كومەك كورسەتەتىنىن، ال بانك زاڭسىز ارەكەتتەرگە جول بەرسە، ءتيىستى شارالار قابىلداناتىنىن ايتتى.
ءماجىلىس دەپۋتاتى، «AMANAT» پارتياسى فراكسياسىنىڭ مۇشەسى تىلەكتەس ادامبەكوۆ كاسىپكەرلىكتى قولداۋ جانە الەۋمەتتىك كومەك ماسەلەلەرى بويىنشا ازاماتتاردى قابىلدادى. كەزدەسۋ بارىسىندا ماتەريالدىق كومەك كورسەتۋ، سوت شەشىمدەرىمەن كەلىسپەۋ، دارىگەرلەر جۇمىسىنا شاعىمدار تالقىلاندى. قاراعاندى وبلىسىنىڭ كاسىپكەرى شاعىن جانە ورتا بيزنەستى قولداۋ ماسەلەسىن كوتەردى. سەمەي تۇرعىنى سەرەبرالدى سال اۋرۋىمەن (دسپ) اۋىراتىن بالاسىن ەمدەۋگە قاتىستى سۇراق قويدى. الماتىدان كەلگەن كاسىپكەر مەكتەپتەردەگى كىتاپ قورلارىن دامىتۋ بويىنشا باستاما كوتەردى. اقمولا وبلىسىنىڭ تۇرعىنى سۋ تاسقىنى سالدارىنان باسپاناسى بۇلىنگەننەن كەيىن ءتيىستى كومەكتى الا الماعانىن جەتكىزدى.
«اتامەكەن» ق ر ۇلتتىق كاسىپكەرلەر پالاتاسى باسقارما مۇشەسى – باسقارما ءتوراعاسىنىڭ ورىنباسارى تيمۋر ناقىپبەكوۆ كاسىپكەرلەردى قولداۋ ماسەلەلەرى بويىنشا وتىنىشتەردى تىڭدادى. الماتى تۇرعىنى شاعىن بيزنەستى قولداۋ شارالارى تۋرالى سۇرادى. اقتوبە تۇرعىنى جەرگىلىكتى اتقارۋشى ورگاندار مەن كاسىپكەرلەر اراسىنداعى ءوزارا ءىس-قيمىلدى جاقسارتۋ بويىنشا كومەك كورسەتۋدى ءوتىندى. قاراعاندى وبلىسىنىڭ جاس كاسىپكەرى تەحنيكالىق ماماندىقتار بويىنشا جاستاردى دايارلايتىن ءبىلىم بەرۋ فيليالىن اشۋ باستاماسىن ۇسىندى. سونداي-اق، ۇلتتىق كيىم تىگۋمەن اينالىساتىن كوپبالالى انا قولداۋ سۇرادى.
تيمۋر ناقىپبەكوۆ بارلىق وتىنىشتەر ءتيىستى قۇرىلىمدارمەن بىرلەسىپ قاراستىرىلاتىنىن، ال «اتامەكەن» كاسىپكەرلەردىڭ باستامالارىن بارلىق دەڭگەيدە قولدايتىنىن ايتتى.
«AMANAT» پارتياسىنىڭ قوعامدىق قابىلداۋلارى ءوز جۇمىسىن جالعاستىرىپ، ازاماتتارعا ءتۇرلى ماسەلەلەر بويىنشا كومەك كورسەتەدى.
ەسكە سالا كەتەيىك، ءوز سۇراقتارىڭىز بويىنشا «AMANAT» پارتياسىنىڭ رەسپۋبليكالىق قوعامدىق قابىلداۋىنا كەلەسى بايلانىس ارنالارى ارقىلى جۇگىنە الاسىز:
1. Call-ورتالىق: 8 800 080 4441(قازاقستان بويىنشا قوڭىراۋ شالۋ تەگىن)؛
2. WhatsApp: 8 700 800 4441
3. E-mail: komek@amanatpartiasy.kz
قابىلداۋعا جازىلۋ كەزدەسۋگە دەيىن كەمىندە 3 كۇن بۇرىن جۇزەگە اسىرىلادى.