ءانشى التىنشاش مۇقاتايەۆا سوچيدە وتكەن «Icon Music Fest» فەستيۆالىنىڭ گران-پري جۇلدەسىن جەڭىپ الدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«ە.راحمادييەۆ اتىنداعى مەملەكەتتىك اكادەميالىق فيلارمونيا كلاسسيكالىق جانە ەسترادالىق ۆوكال ءبولىمىنىڭ ءارتىسى التىنشاش مۇقاتايەۆا سوچي قالاسىندا (رەسەي) وتكەن حالىقارالىق «Icon Music Fest» فەستيۆالىنە قاتىستى. بەس كۇن بويى ءار ەلدەن شاقىرىلعان ونەرپازدار تانىمال ورىنداۋشىلاردان شەبەرلىك ساباقتارى مەن كونسەرتتىك باعدارلاماعا قاتىسقان ەدى. الەمنىڭ تۇكپىر-تۇكپىرىنەن 100 ءارتىس قاتىسقان ءان فەستيۆالىن 25 000 تىڭدارمان تاماشالادى. «Icon Music Fest» فەستيۆالىندە التىنشاش مۇقاتايەۆا گران-پري جۇلدەسىنە يە بولدى»، - دەپ اتاپ ءوتتى مادەنيەت جانە سپورت مينيسترلىگىنىڭ باسپا ءسوز قىزمەتىنەن.
التىنشاش قازاق جۇرتشىلىعىنا تانىمال ءانشى. ارباعا تاڭىلسا دا مۇمكىن ەمەس ەشتەڭەنىڭ جوقتىعىن، ارماننىڭ كەز كەلگەن شىڭعا جەتەلەي الاتىنىن تاعدىرىمەن دالەلدەپ ءجۇر. حالىقارالىق بايقاۋدا توپ جارعان ءانشى بۇگىن ەلىمىزگە ورالادى.