التىننىڭ قۇنى ءالى جوعارى

5 ناۋرىزدان باستاپ التىننىڭ 1 گرامى 30 مىڭ تەڭگەدەن تومەن تۇسپەدى.

بىلتىردان بەرى 1 گراممنىڭ باعاسىنا 12% قوسىلدى، دەپ حابارلايدى Almaty-akshamy.kz

1 گراممنىڭ رەسمي قۇنى 33 911،46 تگ قۇرايدى، بۇل ءبىر كۇن بۇرىنعىدان 405،86 تگ نەمەسە 1،2%-عا ارتىق.

قازىرگى كورسەتكىش - 2017 جىلعى ماۋسىمنان باستاپ ق ر ۇلتتىق بانكىنىڭ قولجەتىمدى ستاتيستيكاسىندا قاراستىرىلعان بارلىق كەزەڭدەگى ەڭ جوعارى كورسەتكىش. ۇزاق ۋاقىت ارالىعىنداعى رەكوردتار تۋرالى تەك شارتتى تۇردە ايتۋعا بولادى، سەبەبى تەڭگەنىڭ ءوزى قۇنسىزدانىپ بارادى.

الايدا سوڭعى ۋاقىتتا مەتالدىڭ قۇنى ارتىپ كەلەدى، ول 5 ناۋرىزدان باستاپ 30 مىڭ تەڭگەدەن تومەن تۇسپەدى. اقپان ايىنىڭ ورتاسىنان باستاپ، ءوسۋ مۇمكىندىگى جوعارى بولعان كەزدە، كورسەتكىشى 5 مىڭ تەڭگەدەن استى نەمەسە 18%-عا ءوستى. جىل باسىمەن سالىستىرعاندا 1 گراممنىڭ باعاسىنا 12% قوسىلدى.

سوڭعى ۋاقىتتا الەمدىك ورتالىق بانكتەر تاراپىنان سۇرانىسى جوعارىلاعان مەتالدىڭ بيرجالىق باعاسى رەكوردتىق دەڭگەيدى ۇستاپ تۇر. ءوز قورلارىن بەلسەندى تۇردە، اتاپ ايتقاندا قىتايدىڭ ورتالىق بانكى ارتتىرۋدا.