تاۋار ترەيدەرلەرى دۇربەلەڭ كەزىندە بارلىق تاۋار باعاسىن كوتەرىپ جاتىر
التىننىڭ ءبىر ۋنسياسى ءبىر جارىم جىلدا العاش رەت 2 مىڭ دوللارعا جەتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
بۇعان COMEX تاۋار بيرجاسىنىڭ مالىمەتتەرى دالەل.
COMEX بيرجاسىنداعى 7 ناۋرىز كۇنگى اۋكسيوندا التىن باعاسى ءبىر ۋنسيا ءۇشىن 2005،2 دوللارعا جەتتى. سپوت التىننىڭ باعاسى دا رەكورد ورناتىپ، 2020 جىلدىڭ 19 تامىزىنداعى 2 000،69 دوللار دەڭگەيىنە جەتتى. پاندەميا كەزىندە التىن باعاسى 2000،7 دوللارعا دەيىن كوتەرىلدى، سودان كەيىن ولار تومەندەي باستادى.
تاۋار ترەيدەرلەرى دۇربەلەڭ كەزىندە بارلىق تاۋار باعاسىن كوتەرىپ جاتىر. دۇيسەنبى، 7 ناۋرىز كۇنگى ساۋدانىڭ العاشقى ءبىر جارىم ساعاتىندا گاز باعاسى مىڭ تەكشە مەترى ءۇشىن 1،7 ەسە ءوسىپ، 3700 دوللار بولدى. مۇناي باعاسى باررەلىنە 150 دوللاردى قۇرايتىن تاريحي ەڭ جوعارى دەڭگەيگە جاقىنداپ قالدى. ءتىپتى بيداي تاريحتا العاش رەت وتكەن اپتادا بىردەن 40%-عا قىمباتتادى.