قۇرمانعازى اتىنداعى قازاق ۇلتتىق كونسەرۆاتورياسىندا «بۇگىنگى مۋزىكالىق تۇركولوگيا: ماسەلەلەرى مەن بولاشاعى» اتتى حالىقارالىق عىلىمي-پراكتيكالىق كونفەرەنسيا ءوتتى.
اتالمىش ءىس-شارا 1994 جىلى الماتىدا وتكەن «تۇركى حالىقتارىنىڭ مۋزىكاسى» اتتى العاشقى حالىقارالىق سيمپوزيۋمنىڭ 30 جىلدىعىنا وراي ۇيىمداستىرىلدى، دەپ حابارلايدى aqshamnews.kz.
1994 جىلعى سيمپوزيۋم مۋزىكالىق تۇركولوگيانى جەكە عىلىمي باعىت رەتىندە قالىپتاستىرۋىنا جانە جاڭا زەرتتەۋشى بۋىن شىعارۋعا زور ىقپال ەتتى. 2025 جىلعى كونفەرەنسيا وسى ءداستۇردى جالعاستىرىپ، وعان قازاقستاننان، تۇركى مەملەكەتتەرىنەن، سونداي-اق رەسەي، گەرمانيا، جاپونيا، اقش، پولشا جانە سلوۆاكيادان كەلگەن جەتەكشى ماماندار جينالدى.
كونفەرەنسيا قازاقستان رەسپۋبليكاسىنىڭ مادەنيەت جانە اقپارات مينيسترلىگى مەن تۇركى مادەنيەتى مەن مۇراسى قورىنىڭ قولداۋىمەن ۇيىمداستىرىلدى.
كونفەرەنسيا اياسىندا پلەنارلىق وتىرىستار، تاقىرىپتىق سەكسيالار، «تۇركىتىلدەس ەلدەردىڭ ۇلتتىق مۋزىكالىق اسپاپتارى» اتتى حالىقارالىق عىلىمي باسىلىمنىڭ تۇساۋكەسەرى، شەبەرلىك ساباقتارى مەن تانىمال مۋزىكانتتاردىڭ قاتىسۋىمەن «تۇركى الەمىنىڭ ءداستۇرلى جانە زاماناۋي مۋزىكاسى» اتتى كونسەرت ءوتتى.
سونداي-اق كونفەرەنسيا اياسىندا قۇرمانعازى اتىنداعى قازاق ۇلتتىق كونسەرۆاتورياسى بازاسىندا تۇركى مۋزىكالىق مادەنيەتى مەن مۇراسى ورتالىعىنىڭ سالتاناتتى اشىلۋى ءراسىمى ءوتتى. بۇل ورتالىق تۇركى مادەنيەتى مەن مۇراسى قورىنىڭ قولداۋىمەن قۇرىلىپ، وعان بولات قاراقۇلوۆتىڭ ەسىمى بەرىلدى.