قازاقستاننان قىتايعا وتەتىن 3 مىڭعا جۋىق ۆاگون شەكارادا تۇرىپ قالدى، دەپ حابارلايدى aqshamnews.kz
قازان ايىندا جۇڭگو تاراپى تاۋلىگىنە قابىلدايتىن پويىزدار سانىن 14-تەن 10-عا دەيىن ازايتقان، ال كەي كۇندەرى بۇل كورسەتكىش 6% دەيىن تومەندەگەن. بۇعان قىتايدىڭ ۋاكىلەتتى ورگاندارىنىڭ استىق ونىمدەرىن تەرەڭ تەكسەرۋگە كوشۋى سەبەپ بولىپ وتىر. تەكسەرۋ كەزىندە استىقتان سىناما الىنىپ، ولار ءۇرىمجى مەن بەيجىڭ قالالارىنداعى زەرتحانالاردا ساراپتامادان وتەدى. بۇل پروسەسس 5–10 تاۋلىككە دەيىن سوزىلادى.
وسىنداي ۇزاق تەكسەرىس سالدارىنان جۇڭگو باعىتىنا بەت العان ەكسپورتتىق جانە ترانزيتتىك جۇكتەرى بار ۆاگوندار شەكارا ماڭىندا جينالىپ قالدى. قتج مالىمەتىنشە، بۇل قالىپتى دەڭگەيدەن الدەقايدا جوعارى كورسەتكىش.
كومپانيا ينفراقۇرىلىمنىڭ ءقاۋىپسىز ءارى تۇراقتى جۇمىسىن ساقتاۋ ءۇشىن ۋاقىتشا شەكتەۋ ەنگىزدى. ەندى كونتەينەرلىك پويىزدارمەن جونەلتىلەتىن ەكسپورتتىق استىق ونىمدەرى تاۋلىگىنە ءۇش قۇرامنان اسپاۋى ءتيىس.
مەكەمە بۇل شارانىڭ ۋاقىتشا جانە ءماجبۇرلى ەكەنىن اتاپ ءوتتى. شەكتەۋ جۇڭگو تاراپىنداعى قابىلداۋ مۇمكىندىگىمەن پويىز قوزعالىسىن ۇيلەستىرۋ ماقساتىندا ەنگىزىلدى.