جاز سوڭىندا الماتى اكىمى دارحان ساتىبالدى تۇركسىب اۋدانىنداعى «التىن سيتي» تۇرعىن ءۇي كەشەنىنىڭ تۇرعىندارىمەن كەزدەسىپ، ولار تۇرمىستىق قولايسىزدىقتارعا بايلانىستى ءبىرقاتار ماسەلە كوتەرىلگەن ەدى، دەپ حابارلايدى Aqshamnews.kz.
«كارىز جۇيەسى مەن جىلىتۋ قازاندىقتارىن اۋىستىرۋ ماسەلەسى «التىن سيتي» تۇرعىندارىمەن كەزدەسۋدە اكىمگە ايتىلدى»، – دەدى باسقارۋشى كومپانيانىڭ وكىلى ارىستان رىسايەۆ.
«ۇيلەردىڭ بىرىندە كارىز قۇبىرلارى تەحنولوگيالىق تالاپتار ساقتالماي ورناتىلعاندىقتان، جەرتولە اعىن سۋمەن تولىپ، لاس ءيىس تۇرعىندارعا ايتارلىقتاي قولايسىزدىق تۋدىردى. بۇل جاعداي جونىندە اكىمگە حابارلانىپ، قالالىق قۇرىلىس باسقارماسى ساراپتاما جۇرگىزدى. قىسقا مەرزىم ىشىندە اقاۋلار جويىلىپ، كارىز جۇيەسى تولىق قالپىنا كەلتىرىلدى. بارلىعى 50 مەترگە جۋىق كارىز جەلىسى اۋىستىرىلدى»، – دەدى ول.
سونىمەن قاتار، جىلىتۋ جۇيەسىنە دە جوندەۋ جۇرگىزىلگەن.
«قازاندىقتار مەن سورعىلار جوندەلىپ، سۋ جۇمسارتقىش قوندىرعىلار جاڭارتىلدى. ءقازىر 96 ءۇيدى جىلىتاتىن قوسىمشا قازاندىقتىڭ قۇرىلىسى ءجۇرىپ جاتىر. ونىڭ باسىم بولىگى جىل سوڭىنا دەيىن پايدالانۋعا بەرىلەدى. بۇگىندە وتىزعا جۋىق ءۇي تولىعىمەن قونىستانىپ، قالىپتى جۇمىس ىستەپ تۇر. اكىمنىڭ تاپسىرماسىمەن تۇرعىن ءۇي كەشەنىنە كىرەبەرىس جول دا جوندەلىپ، جول توسەمى تەگىستەلدى»، – دەپ اتاپ ءوتتى ارىستان رىسايەۆ.
«التىن سيتي» تۇرعىنى ايگەرىمنىڭ ايتۋىنشا، دارحان ساتىبالدىمەن كەزدەسۋدەن كەيىن تۇرعىنداردىڭ جاعدايى جاقسارعان.
«بۇرىن اۋلامىزدا جاعىمسىز ءيىس بولاتىن، ءقازىر ول كەتتى. ماسەلەمىزگە بەي-جاي قاراماي، ونىڭ شەشىلۋىنە ىقپال ەتكەنى ءۇشىن قالا اكىمىنە ريزاشىلىعىمدى بىلدىرەمىن. بۇعان دەيىن جول مەن جىلىتۋ جۇيەسى ءبارىمىز ءۇشىن باستى تۇيتكىل ەدى. ەندى ۇيىمىزدە تۇراقتى جىلۋ بار، جاعدايىمىز ايتارلىقتاي جاقساردى»، – دەدى تۇرعىن.