قازاقستاندا ءبىر گرامم التىننىڭ قۇنى 40 مىڭ تەڭگەدەن استى، دەپ حابارلايدى aqshamnews.kz.
قازاقستانداعى التىن باعاسى شارىقتاپ، 23 قىركۇيەكتە تاعى ءبىر رەكورد جاڭارتتى. ۇلتتىق بانكتىڭ مالىمەتى بويىنشا، ءبىر گرامم باعالى مەتالدىڭ قۇنى 40 144،06 تەڭگەگە جەتتى. باعانىڭ بۇلاي كوتەرىلۋىنە الەمدەگى ساياسي جانە ەكونوميكالىق وقيعالار اسەر ەتكەن. التىندى ميلليونەر ينۆەستورلار عانا ەمەس، قازاقستاننىڭ بارلىق ازاماتتارى تىكەلەي ەكىنشى دەڭگەيلى بانكتەردەن نەمەسە كەيبىر اقشا ايىرباستاۋ پۋنكتتەرىنەن ساتىپ الا الادى. سالماعى 5-تەن 100 گرامعا دەيىنگى 999،9 تازا التىن قۇيمالارىن ساتىپ الۋعا بولادى.
ايتا كەتەيىك، ءبىر جىل بۇرىن التىن ساتىپ العان قازاقستاندىقتاردا ءقازىر ءاربىر گرامم التىن ءۇشىن قوسىمشا 10 712،41 تەڭگە تۇسەدى، ويتكەنى بىلتىر 22 قىركۇيەكتە ءبىر گرامم التىن بار بولعانى 29 432،77 تەڭگە بولعان. التىننىڭ تابىستىلىعى جىلىنا 36،4 پايىزعا جەتىپ وتىر. سالىستىرۋ ءۇشىن: قازاقستاندىق بانكتەردەگى تارتىلعان دەپوزيتتەر بويىنشا ورتاشا نارىقتىق سىياقى مولشەرلەمەسى 13،5 پايىزعا تەڭ.